ନୂଆଦିଲ୍ଲୀ,୨୨।୧: ଯଦି ଆପଣ Vodafone Idea (Vi)ର ଗ୍ରାହକ ଅଟନ୍ତି, ତେବେ ଆପଣଙ୍କ ପାଇଁ ଏକ ଉଲ ଖବର ଅଛି। ତିନି ବର୍ଷର ଲମ୍ବା ଅପେକ୍ଷା ଶେଷ ହୋଇଛି। Vi କମ୍ପାନୀ ଶେଷରେ ଏହାର ୫G ସେବା ଲଞ୍ଚ କରିଦେଇଛି। କମ୍ପାନୀ କେରଳର ସମସ୍ତ ୧୪ଟି ଜିଲ୍ଲାକୁ କଭର୍ କରି ରାଜ୍ୟବ୍ୟାପୀ ୫G ଉପଲବ୍ଧ କରାଇଛି। ଏହା ସହିତ Vi କେରଳର ଉପଭୋକ୍ତାଙ୍କ ପାଇଁ ଇଣ୍ଡଷ୍ଟ୍ରିର ସବୁଠାରୁ ଶସ୍ତା ୫G ପ୍ଲାନ ପ୍ରସ୍ତୁତ କରିଛି, ଯାହାର ପ୍ରାରମ୍ଭିକ ମୂଲ୍ୟ ୨୯୯ ଟଙ୍କା ରଖାଯାଇଛି।
୨୯୯ ଟଙ୍କାରୁ ଆରମ୍ଭ ହେଉଥିବା Vi ୫G ପ୍ଲାନ
Vi ଏହି ୫G ଲଞ୍ଚ ଅବସରରେ ଇଣ୍ଟ୍ରୋଡକ୍ଟରି ଅଫର୍ ଭାବରେ ୨୯୯ ଟଙ୍କାରୁ ଆରମ୍ଭ ହେଉଥିବା ୫G ପ୍ୟାକ ପ୍ରଦାନ କରିଛି। କମ୍ପାନୀ କହିଛି ଯେ ଆଗାମୀ ସମୟରେ ରାଜ୍ୟର ଅନ୍ୟ ଅଞ୍ଚଳଗୁଡ଼ିକରେ ମଧ୍ୟ ୫G କଭରେଜ୍କୁ ଆହୁରି ମଜବୁତ କରାଯିବ।
ଏହି ସହର ଓ ଜିଲ୍ଲାଗୁଡ଼ିକରେ ଉପଲବ୍ଧ Vi ୫G
ରାଜ୍ୟବ୍ୟାପୀ ରୋଲଆଉଟ ପରେ Vi ୫G କେରଳର ସମସ୍ତ ୧୪ଟି ଜିଲ କନ୍ନୁର, କଲାମାସେରି, କାସରଗୋଡ଼, କଲ୍ପେଟ୍ଟା, କୋଚି, କୋଲ୍ଲମ, କୋଟ୍ଟାୟମ, କୋଝିକୋଡ଼, ମଞ୍ଜେରି-ମଲପ୍ପୁରମ, ପାଲକ୍କାଡ଼, ପଥନମଥିଟ୍ଟା, ତିରୁର, ତ୍ରିଶୂର, ଥୋଡୁପୁଝା, ତିରୁବନନ୍ତପୁରମ ଓ ବାୟନାଡ଼ ଆଦି ଅନ୍ତର୍ଭୁକ୍ତ।
ଆଡଭାନ୍ସ ଓ AI-ଚାଳିତ ନେଟୱର୍କ ଉପରେ ଜୋର
କେରଳରେ ୫G ଲଞ୍ଚ ଉପରେ ପ୍ରତିକ୍ରିୟା ଦେଇ Viର କ୍ଲଷ୍ଟର ବିଜନେସ ହେଡ (କେରଳ) ଜର୍ଜ ମ୍ୟାଥ୍ୟୁ ଭି. କହିଛନ୍ତି ଯେ ୨୦୨୫ର ଦ୍ୱିତୀୟ ଅର୍ଦ୍ଧବର୍ଷରେ କଂପାନୀ ରାଜ୍ୟରେ ୫G ଡିପ୍ଲୟମେଣ୍ଟକୁ ତୀବ୍ରତର କରିଛି। ଏହା ପାଇଁ ଆଡଭାନ୍ସ, ଏନର୍ଜି-ଏଫିସିଏଣ୍ଟ ଇନ୍ଫ୍ରାଷ୍ଟ୍ରକ୍ଚର୍ ଓ AI-ଚାଳିତ ସେଲ୍ଫ-ଅର୍ଗାନାଇଜିଂ ନେଟୱର୍କ୍ସ (SON)ର ବ୍ୟବହାର କରାଯାଇଛି, ଯାହାଦ୍ୱାରା ନେଟୱର୍କ ପରଫର୍ମାନ୍ସ ଆପେ ଆପେ ଅପ୍ଟିମାଇଜ ହୋଇ ଉଚ୍ଚ-ଗତି ଓ ବିଶ୍ୱସନୀୟ କନେକ୍ଟିଭିଟି ମିଳିପାରୁଛି।
କେରଳରେ ୪G ନେଟୱର୍କ ମଧ୍ୟ ମଜବୁତ ହୋଇଛି:
୫G ସହିତ Vi କେରଳରେ ତାଙ୍କର ୪G ନେଟୱର୍କ୍କୁ ମଧ୍ୟ ସଶକ୍ତ କରିଛି। ସେପ୍ଟେମ୍ବର ୨୦୨୪ରୁ ସେପ୍ଟେମ୍ବର ୨୦୨୫ ମଧ୍ୟରେ କଂପାନୀ ୯୦୦ MHz, ୧୮୦୦ MHz ଓ ୨୧୦୦ MHz ସ୍ପେକ୍ଟ୍ରମ ବ୍ୟାଣ୍ଡରେ ୩,୫୦୦ରୁ ଅଧିକ ନୂଆ ୪G ସାଇଟ ତୈନାତ କରିଛି। ଏହାଦ୍ୱାରା ରାଜ୍ୟବ୍ୟାପୀ ଇଣ୍ଡୋର ଓ ଆଉଟଡୋର ନେଟୱର୍କ ପରଫର୍ମାନ୍ସରେ ଉନ୍ନତି ହୋଇଛି।
