ଓ୍ବାଶିଂଟନ,୧୮।୯: ରିପବ୍ଲିକାନ୍ ରାଷ୍ଟ୍ରପତି ପ୍ରାର୍ଥୀ ବିବେକ ରାମସ୍ବାମୀଙ୍କ ଏକ ବଡ଼ ବୟାନ ସାମ୍ନାକୁ ଆସିଛି। ୨୦୨୪ ନିର୍ବାଚନରେ ବିଜୟୀ ହୋଇ କ୍ଷମତାକୁ ଆସିଲେ ଏଚ୍-୧ବି ଭିଜା ବ୍ୟବସ୍ଥାର ଅନ୍ତ ଘଟାଇବେ ବୋଲି କହିଛନ୍ତି। ଏହି ଲଟେରିଭିତ୍ତିକ ବ୍ୟବସ୍ଥା ସ୍ଥାନରେ ସେ ଗୁଣାତ୍ମକ ପ୍ରବେଶ ବ୍ୟବସ୍ଥା କାର୍ଯ୍ୟକାରୀ କରାଇବେ ବୋଲି ଜନସାଧାରଣଙ୍କୁ ପ୍ରତିଶ୍ରୁତି ଦେଇଛନ୍ତି।
ଏଚ୍-୧ବି ହେଉଛି ଏକ ଅଣପ୍ରବାସୀ ଭିଜା। ଭାରତୀୟ ଆଇଟି ପେସାଦାରମାନେ ଆମେରିକା କମ୍ପାନୀରେ ନିଯୁକ୍ତି ପାଇବା ପାଇଁ ଏହି ଭିଜା ଚାହିଁଥାନ୍ତି। ଭାରତ ଓ ଚାଇନା ଭଳି ଦେଶରୁ ପ୍ରତିବର୍ଷ ହଜାର ହଜାର କର୍ମଚାରୀଙ୍କୁ ନିଯୁକ୍ତି ଦେବା ଲାଗି ଟେକ୍ନୋଲୋଜି କମ୍ପାନୀଗୁଡ଼ିକ ମଧ୍ୟ ଏହି ଭିଜା ଉପରେ ନିର୍ଭର କରିଥାନ୍ତି।
