ମୁମ୍ବାଇ,୧୮।୪: ମୁଭି ‘ଦ କଶ୍ମୀର ଫାଇଲ୍ସ’ର ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ନିଜର ବେବାକ ରାୟକୁ ନେଇ ଖୁବ ଚର୍ଚ୍ଚିତ। ପ୍ରାୟ ସବୁବେଳେ ସୋସିଆଲ ମିଡିଆରେ ତାଙ୍କର ଟୁଇଟ ତହଲକା ମଚାଇ ଥାଏ। ଏବେ ନିର୍ଦ୍ଦେଶକ ସମଲିଙ୍ଗି ବିବାହକୁ ନେଇ ଟୁଇଟ କରିଛନ୍ତି। ସେ ଲେଖିଛନ୍ତି, ଏହା ଆବଶ୍ୟକ, ଏହା କୌଣସି କ୍ରାଇମ ନୁହେଁ।
ଫିଲ୍ମ ମେକର ସୁପ୍ରିମକୋର୍ଟ ,କେନ୍ଦ୍ର ସରକାରଙ୍କ ଏକ ଆପ୍ଲିକେଶନକୁ ନେଇ ଟୁଇଟରରେ ରିଆକ୍ସନ ଦେଇଛନ୍ତି। ଯେଉଁଥିରେ କୁହାଯାଇଥିଲା କି ସମଲିଙ୍ଗି ବିବାହ ଏକ ସହରି ଆଭିଜାତ୍ୟର ଅବଧାରଣା। ବିବେକ ତାଙ୍କ ଟୁଇଟରେ ଲେଖିଛନ୍ତି, ନାହିଁ, ସେମ ସେକ୍ସ ମ୍ୟାରେଜ ଏକ ‘ସହର ସମ୍ଭ୍ରାନ୍ତବାଦୀ’ ଅବଧାରଣା ନୁହେଁ। ଏହା ଏକ ମାନବୀୟ ଆବଶ୍ୟକତା। ହୋଇପାରେ କି କିଛି ସରକାରୀ ଏଲିଟସ୍ ଏହାର ଡ୍ରାଫ୍ଟ ତିଆରି କରିଛନ୍ତି। ଏହା ଏବେ ଛୋଟ ସହର ଓ ଗାଁରେ ଯାତ୍ରା କରିନାହିଁ। ଅଥବା ମୁମ୍ବାଇ ଲୋକାଲରେ ଟ୍ରାଭେଲ କରିନାହିଁ। ସର୍ବପ୍ରଥମେ, ସମଲିଙ୍ଗି ବିବାହ ଏକ ଅବଧାରଣା ନୁହେଁ। ଏହା ଏକ ଆବଶ୍ୟକତା, ଏହା ଏକ ଅଧିକାର, ଆଉ ଭାରତ ଭଳି ପ୍ରଗତିଶୀଳ, ଉଦାର ଓ ସମାବେଶି ସଭ୍ୟତାରେ ସମଲିଙ୍ଗି ବିବାହ ସମାନ୍ୟ ହେବା ଦରକାର, କ୍ରାଇମ ନୁହେଁ।
