ମୁମ୍ବାଇ: ବହୁ ଚର୍ଚ୍ଚିତ ବଲିଉଡ ମୁଭି ‘ଦ କଶ୍ମୀର ଫାଇଲ୍ସ’କୁ ନେଇ ଚର୍ଚ୍ଚାରେ ଥିବା ଏହାର ନିର୍ଦ୍ଦେଶକ ଏବେ ପୁଣିଥରେ ଚର୍ଚ୍ଚାକୁ ଆସିଛନ୍ତି । ଫିଲ୍ମ ଜରିଆରେ ସେ ଦର୍ଶକଙ୍କର ନିକଟତର ହୋଇଥିବା ବେଳେ ଏବେ ପୁଣିଥରେ ଏମିତି କଥା କହିଛନ୍ତି ଯାହା ତାଙ୍କ ପାଇଁ ପ୍ରଶଂସା ଆଣି ଦେଇଛି ।
ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ଓ ଅଭିନେତ୍ରୀ ତଥା ବିବେକଙ୍କ ସ୍ତ୍ରୀ ପଲ୍ଲବି ଯୋଶୀ ନିକଟରେ ମଖନଲାଲ ଚୁତୁର୍ବେଦି ନ୍ୟାଶନାଲ ୟୁନିଭର୍ସିଟି ଅଫ୍ ଜର୍ନାଲିଜିମ ଆଣ୍ଡ ମାସ କମ୍ୟୁନିକେଶନରେ ଆୟୋଜିତ ଫିଲ୍ମୋତ୍ସବରେ ଯୋଗ ଦେଇଥିଲେ । ଏହାର କିଛି ଫଟୋ ସୋସିଆଲ ମିଡିଆରେ ଦେଖିବାକୁ ମିଳିଛି । ସେଠାରେ ବିବେକ ଘୋଷଣା କରିଛନ୍ତି କି ସେ ୫ ଛାତ୍ରଙ୍କୁ ଆର୍ଥିକ ସ୍ତରରେ ସହାୟତା କରିବେ । ବିବେକ କହିଛନ୍ତି ବିଶ୍ୱବିଦ୍ୟାଳରେ ଫିଲ୍ମସହ ଜଡିତ କୋର୍ସ ବା ଅଧ୍ୟୟନ କରୁଥିବା ୫ ଛାତ୍ରଙ୍କୁ ସେ ୫୦ ହଜାର ଟଙ୍କାର ସ୍କଲାରଶିପ ଦେବେ । ଏଥିପାଇଁ ସେ ୧୫ ଲକ୍ଷ ଟଙ୍କା ଖର୍ଚ୍ଚ କରିବେ ।
ଏହି ଛାତ୍ରଙ୍କ ଚୟନ କରିବା ପାଇଁ ବିଶ୍ୱବିଦ୍ୟାଳୟର କୁଳପତିଙ୍କ ନିର୍ଦ୍ଦେଶ କ୍ରମେ ଏକ ଚୟନ କମିଟି ଗଠନ କରାଯିବ । ମେଧାବି ଛାତ୍ରଙ୍କୁ ଏହି ବୃତ୍ତି ପ୍ରଦନ କରାଯିବ । ଏହାସହ ପଲ୍ଲବି ଯୋଶୀ କହିଛନ୍ତି, ସେହି ପିଲାମାନଙ୍କୁ ତାଙ୍କ ଅପକମିଂ ଫିଲ୍ମରେ କାମ କରିବାର ସୁଯୋଗ ବି ମିଳିବ ।
