ମାଡ୍ରିଡ୍,୨୪ା୯: କରୋନା ଭାଇରସ୍କୁ ନେଇ ସମଗ୍ର ବିଶ୍ୱବାସୀଙ୍କୁ ଚିନ୍ତାରେ ପଡ଼ିଛନ୍ତି। ଏହା ଏମିତି ଏକ ଭାଇରସ୍ ଯାହା ପ୍ରାଣଘାତକ ଭାବେ ଉଭା ହୋଇଛି। ଏହି ଭାରଇସ୍ କେବେ ଧ୍ୱଂସ ପାଇବ ସେନେଇ ଲୋକେ ଆଶା ଆଶଙ୍କାରେ ରହିଛନ୍ତି। କାରଣ ଏହି ଭାଇରସ୍କୁ ଅନ୍ୟ କୌଣସି ଜୀବ ଖାଆନ୍ତି ନାହିଁ। ମାତ୍ର ବୈଜ୍ଞାନିକମାନେ ସମୁଦ୍ର ମଧ୍ୟରୁ ଏମିତି ଏକ ସୂକ୍ଷ୍ମ ଜୀବର ସନ୍ଧାନ ପାଇଛନ୍ତି, ଯାହା ଯେକୌଣସି ପ୍ରକାର ଭାଇରସ୍କୁ ଖାଇ ଧ୍ୱଂସ କରିଦେବ। ଏହା ବିଶ୍ୱର ପ୍ରଥମ ଜୀବ। ବୈଜ୍ଞନିକମାନେ ଅନେକ ଯାଞ୍ଚ କରିବା ପରେ ଏହି କଥା ସ୍ପଷ୍ଟ କରିଛନ୍ତି।
ଏହି ସୂକ୍ଷ୍ମ ଜୀବ ସ୍ପେନ୍ର କାଟାଲୋନିୟା ନିକଟରୁ ମିଳିଛି। ଏହା ଉପରେ ବୈଜ୍ଞାନିକମାନେ ଆହୁରି ଗବେଷଣା ଜାରି ରଖିଛନ୍ତି। ଏଥିରୁ ଦୁଇ ପ୍ରକାର ସମୂହ ବାହାରିଛି। ଯାହାକୁ ଚାନୋଜାନ୍ସ ଏବଂ ପିକୋଜାନ୍ସ କୁହାଯାଉଛି। କାରଣ ଏମାନଙ୍କ ଡିଏନ୍ଏରେ ସାଧାରଣ ପାର୍ଥକ୍ୟ ରହିଛି।
ବିଗ୍ଲୋ ଲାବୋରେଟୋରୀ ଫର୍ ଓସେନ୍ ସାଇନ୍ସର ଗବେଷକ ଜୁଲିଆ ବ୍ରାଉନ୍ କହିଛନ୍ତି ଯେ, ଏହି ଭାଇରସ୍ମାନଙ୍କର ଅନ୍ୟ କୌଣସି ପ୍ରାଣୀଙ୍କ ଡିଏନ୍ଏ ସହ ମେଳ ଖାଉନାହିଁ। ଜୀବାଣୁ ଯାହା ମଣିଷ, ପଶୁପକ୍ଷୀ ଏବଂ ଉଦ୍ଭିଦକୁ ଧ୍ୱଂସ କରିଦିଏ। ବର୍ତ୍ତମାନ ସେମାନେ ଏହିପରି ଏକ ଜୀବ ପାଇଛନ୍ତି ଯାହା କରୋନା ଭାଇରସ୍କୁ ଖାଇ ଶେଷ କରିଦେବ।
ଜୁଲିଆ ବ୍ରାଉନ୍ ଗଲ୍ଫ ଅଫ୍ ମ୍ୟାନର ୧୭୦୦ ପ୍ରୋଟିଷ୍ଟସ୍ ଉପରେ ଅଧ୍ୟୟନ କରିଥିଲେ। ଏଥିରୁ ୧୦ଟି ଭିନ୍ନ ଭିନ୍ନ ଗୋଷ୍ଠୀ ଅନ୍ତର୍ଭୁକ୍ତ କରିଥିଲେ। ପରେ ସେମାନଙ୍କର ଡିଏନ୍ଏ ପରୀକ୍ଷା କରାଯାଇଥିଲା। ଏଥିରୁ ଜାଣିବାକୁ ମିଳିଥିଲା ଯେ, ଗଲ୍ଫ ଅଫ୍ ମ୍ୟାନ୍ରୁ ବାହାର କରାଯାଇଥିବା ୫୧ ପ୍ରତିଶତ ବିରୋଧୀ ଭୂତାଣୁ। ଭୂମଧ୍ୟସାଗରରୁ ନିର୍ଗତ ହେଉଥିବା ୩୫ ପ୍ରତିଶତ ମାଇକ୍ରୋଅର୍ଗାନ୍ସ ବ୍ୟାକ୍ଟେରିଆ ରୂପରେ ଭାଇରସ୍କୁ ଖାଉଛନ୍ତି।
