ନୂଆଦିଲ୍ଲୀ,୨୬।୩: ସୋମବାର ଆଇପିଏଲ ୨୦୨୪ର ଷଷ୍ଠ ମ୍ୟାଚରେ ବିରାଟ କୋହଲି ପଞ୍ଜାବ କିଙ୍ଗସ ବିପକ୍ଷରେ ଏକ ଚମତ୍କାର ଇନିଂସ ଖେଳିଥିଲେ ଏବଂ ତାଙ୍କୁ ପ୍ଲେୟାର ଅଫ ଦି ମ୍ୟାଚ ଭାବରେ ବିଚାର କରାଯାଇଥିଲା। ୧୧ ଚୌକା ଓ ଦୁଇଟି ଛକା ସହାୟତାରେ କୋହଲି ୪୯ ବଲରେ ୭୭ ରନ ସ୍କୋର କରିଥିଲେ। ମ୍ୟାଚ ପରେ କୋହଲି ପିତା ହେବାର କର୍ତ୍ତବ୍ୟ ପାଳନ କରିଥିଲେ ଏବଂ ପଡ଼ିଆରୁ ଭିଡିଓ କଲରେ ପରିବାର ସଦସ୍ୟ ଅର୍ଥାତ୍ ପତ୍ନୀ ଅନୁଷ୍କା, ଝିଅ ଭାମିକା ଓ କୁନି ପୁଅ ଅକାୟଙ୍କ ସହ କଥା ହୋଇଥିଲେ।
ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଯେଉଁଥିରେ ସେ ତାଙ୍କ ପତ୍ନୀ ଅନୁଷ୍କା ଶର୍ମା, ଝିଅ ଭାମିକା ଏବଂ ପୁଅ ଅକାୟଙ୍କ ସହ ଭିଡିଓ କଲରେ କଥା ହେଉଥିବା ଦେଖିବାକୁ ମିଳିଛି। ବିରାଟ କୋହଲି ଧ୍ୟାନ ଦେଇନଥିଲେ ଯେ ତାଙ୍କୁ ସବୁ ଦିଗରୁ କ୍ୟାମେରା ଘେରି ରହିଥିଲା ଏବଂ ପିଲାମାନଙ୍କ ସହିତ ତାଙ୍କ ଖୁସିର ମୁହୂର୍ତ୍ତରେ କଥାବାର୍ତ୍ତା ହେଉଥିବାର ଦେଖାଯାଇଥିଲା।
ଏହି ସମୟରେ ଭିଡିଓରେ ଦେଖାଯାଇଥିଲା ଯେ ପିଲାମାନଙ୍କୁ ମନୋରଞ୍ଜନ କରିବା ପାଇଁ ବିରାଟ ବିଭିନ୍ନ ପ୍ରକାରର ମୁଖ ଭଙ୍ଗି କରିଥିଲେ। ଏହି ମୁହୂର୍ତ୍ତର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
ସୂଚନାଯୋଗ୍ୟ, କୋହଲିଙ୍କ ଉତ୍କୃଷ୍ଟ ଇନିଂସ ଆଧାରରେ ଆରସିବି ପଞ୍ଜାବକୁ ୪ଟି ୱିକେଟ ହରାଇ ୪ ଟି ବଲରେ ମାତ୍ ଦେଇଥିଲା।
ଏମ ଚିନ୍ନାସ୍ବାମୀ ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ ପଞ୍ଜାବ କିଙ୍ଗ୍ସ ପ୍ରଥମେ ବ୍ୟାଟିଂ କରି ୨୦ ଓଭରରେ ୬ ୱିକେଟ ହରାଇ ୧୭୬ ରନ୍ କରିଥିଲା। ଏହାର ଜବାବରେ ଆରସିବି ୧୯.୨ ଓଭରରେ ୬ଟି ୱିକେଟ ହରାଇ ଲକ୍ଷ୍ୟ ହାସଲ କରଥିଲା।
ତେବେ ବିରତି ସମୟରେ ସେ କିପରି ସମୟ ଅତିବାହିତ କରିଥିଲେ ସେ ବିଷୟରେ ବିରାଟ କୋହଲି ବ୍ରଡକାଷ୍ଟର ହର୍ଷ ଭୋଗଲେଙ୍କ ସହ କଥା ହୋଇଥିଲେ। କୋହଲି କହିଛନ୍ତି ଯେ ଅନେକ ମାସ ପରେ ସେ ସାଧାରଣ ଜୀବନଯାପନ କରିଥିଲେ। ଭାରତୀୟ କ୍ରିକେଟର କହିଛନ୍ତି ଯେ ସେ ରାସ୍ତାରେ ଯାଉଥିଲେ ଏବଂ ତାଙ୍କୁ କେହି ଚିହ୍ନି ନଥିଲେ ଏବଂ ସେଲଫି ଏବଂ ଅଟୋଗ୍ରାଫ ପାଇଁ କୌଣସି ଦାବି ନଥିଲା ବୋଲି ସେ ଅନୁଭବ କରିଥିଲେ।
