ମୁମ୍ବାଇ,୧୬।୧୧: ଦେଶବିଦେଶରେ ଭାରତୀୟ କ୍ରିକେଟର ବିରାଟ କୋହଲିଙ୍କ ପ୍ରଶଂସକ କାହିଁରେ କେତେ। ବିଶ୍ୱକପ୍ରେ ଜବରଦସ୍ତ ଫର୍ମରେ ଥିବାରୁ ସେମିଫାଇନାଲରେ କ୍ରିକେଟର ମହାନ କ୍ରିକେଟର ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିବେ ବୋଲି ଆଶା କରାଯାଉଥିଲା। ପ୍ରଶଂସକଙ୍କୁ ନିରାଶ ନ କରି କୋହଲି ତାହା କରିଦେଖାଇଛନ୍ତି। ସେ ମ୍ୟାଚ୍ରେ ୧୧୭ରନ୍ର ଇନିଂସ ଖେଳିଛନ୍ତି। ତେବେ ଉତ୍ତରପ୍ରଦେଶ ମୁଜଫରନଗରରେ କୋହଲିଙ୍କ ରନ୍ ହିସାବରେ ଜଣେ ବିରିୟାନୀ ଦୋକାନୀ ରିହାତି ଦେବାକୁ ଘୋଷଣା କରିଥିଲେ। କହିବାକୁ ଗଲେ ସେ ସମସ୍ତ ଗ୍ରାହକଙ୍କୁ ମାଗଣା ବିରିୟାନୀ ଖୁଆଇଛନ୍ତି।
ମୁଜାଫରନଗରର ଲୋକପ୍ରିୟ ‘ହାଜୀ ମକବୁଲ କି ତହରୀ’ ଦୋକାନର ମାଲିକ ମହମ୍ମଦ ଦାନିଶ ରିଜଓ୍ବାଲ କୋହଲିଙ୍କ ବଡ଼ ପ୍ରଶଂସକ। ସେ ବିଶ୍ୱକପ୍ ଆରମ୍ଭ ହେବା ଦିନଠାରୁ ଗ୍ରାହକଙ୍କୁ ଭଲ ଅଫର୍ ଦେଉଛନ୍ତି। କୋହଲି ଯେତିକି ରନ୍ କରିବେ, ସେତିକି ଡିସ୍କାଉଣ୍ଟ ମିଳିବ ବୋଲି ସେ କହିଛନ୍ତି। ଏଣୁ ଭାରତ-ଶ୍ରୀଲଙ୍କା ମ୍ୟାଚ୍ରେ କୋହଲି ୮୮ରନ୍ରେ ଆଉଟ୍ ହେବା ପରେ ସେ ଚିକେନ ବିରିୟାନୀର ୬୦ ଟଙ୍କିଆ ପ୍ଲେଟ୍କୁ ମାତ୍ର ୭ଟଙ୍କାରେ ବିକିଥିଲେ। ଅର୍ଥାତ ବିରିୟାନୀ ଦାମରେ ୮୮% ରିହାତି ମିଳିଥିଲା। ବୁଧବାର କୋହଲି ୧୧୭ରନ୍ର ଇନିଂସ ଖେଳିବା ପରେ ସେ ଗ୍ରାହକଙ୍କୁ ୧୧୭% ଅର୍ଥାତ ମାଗଣାରେ ହିଁ ବିରିୟାନୀ ଦେଇଥିଲେ। ଏହି ମ୍ୟାଚ୍ ଲାଗି ୪୫୦ରୁ ଅଧିକ ଗ୍ରାହକ ତାଙ୍କ ନିକଟରୁ ବିରିୟାନୀ ଖାଇବା ଲାଗି ରେଜିଷ୍ଟ୍ରେଶନ କରିଥିଲେ।
ତେବେ ଚଳିତ ବିଶ୍ୱକପ୍ରେ ଭାରତ ଟିମ୍ ଯାହା ସହ ବି ଖେଳୁ ଏହି ଅଫର ଜାରି ରହିବ ବୋଲି ଦୋକାନୀ ରିଜଓ୍ବାନ କହିଛନ୍ତି। ଯଦି ବିରାଟ ଦ୍ୱିଶତକ ମାରନ୍ତି ତେବେ ଲୋକଙ୍କୁ ଦୁଇ ପ୍ଲେଟ ମାଗଣା ବିରିୟାନୀ ଦିଆଯିବ ବୋଲି ସେ ମଧ୍ୟ କହିଛନ୍ତି।
