ଭୁବନେଶ୍ୱର,୯।୨: ବାରବାଟୀ ମହାମୁକାବିଲା ପାଇଁ ଆଉ କେଇ ମିନିଟ ବାକି ରହିଛି । ହୁଲସ୍ତୁଲ ହେବ ଷ୍ଟାଡିୟମ ଆଉ ମତୁଆଲା ହେବେ କ୍ରିକେଟ ପ୍ରେମୀ । ସବୁ ପ୍ରକାର ପ୍ରସ୍ତୁତି ବି ଶେଷ ହୋଇସାରିଛି । କେବଳ ଅପେକ୍ଷା ଟସ ପଡିବାକୁ । ରୋହିତ ଶର୍ମା ଏବଂ ବିରାଟ କୋହଲିଙ୍କ କ୍ରେଜ ଦେଖିବାକୁ ଚାତକ ଭଳି ଚାହିଁ ରହିଛନ୍ତି କ୍ରିକେଟ ପ୍ରେମୀ । ମହାମୁକାବିଲା ପାଇଁ ସବୁ ପ୍ରସ୍ତୁତି ବି ଶେଷ ହୋଇସାରିଛି । ଟିମ ଇଣ୍ଡିଆ ବର୍ତ୍ତମାନ ଭୁବନେଶ୍ବରରୁ ବାହାରି ବାରବାଟୀ ଷ୍ଟାଡିୟମ ଅଭିମୁଖେ ଯାତ୍ରା କରୁଛନ୍ତି।
Barabati Match: କିନ୍ତୁ ଏବେ ବାରବାଟୀ ମ୍ୟାଚ୍କୁ ନେଇ ବଡ଼ ଖବର ସାମ୍ନାକୁ ଆସିଛି । ଯାହାକି କ୍ରିକେଟପ୍ରେମୀଙ୍କ ପାଇଁ ଦୁଖ ଖବର । ରନ ମେସିନ ବିରାଟ କୋହଲିଙ୍କୁ ନେଇ ବଡ଼ ଖବର ସାମ୍ନାକୁ ଆସିଛି । ଆହତ କାରଣରୁ ନାଗପୁରରେ ଖେଳାଯାଇଥିବା ପ୍ରଥମ ଦିନିକିଆରେ ପ୍ଲେଇଂ ଇଲେଭେନରେ ନଥିଲେ ବିରାଟ କୋହଲି । ନେଟ୍ସରେ ଅଭ୍ୟାସ କରୁଥିବା ବେଳେ କୋହଲି ସାମାନ୍ୟ ଆହତ ହୋଇଥିବାରୁ ପ୍ରଥମ ଦିନିକିଆରେ ଦଳରେ ନଥିଲେ। ଏବେ ବଡ଼ କଥା ହେଉଛି ବିରାଟ କୋହଲି ବାରବାଟୀ ମ୍ୟାଚ ଖେଳିବେ ତ? ୨ୟ ଦିନିକିଆରେ ବିରାଟ ଖେଳିବା ନେଇ ସସପେନ୍ସ ଲାଗି ରହିଛି । ବାରବାଟୀରେ କୋହଲିଙ୍କ ଝଲକ ପାଇବା ପାଇଁ ଦର୍ଶକ ଚାତକ ଭଳି ଚାହିଁ ରହିଥିବା ବେଳେ ଏବେ ସେ ଖେଳିବେ କି ନାହିଁ ସେ ନେଇ ଲାଗି ରହିଛି ସସପେନ୍ସ ।
ବିରାଟ ଆଣ୍ଠୁ ଯନ୍ତ୍ରଣା କାରଣରୁ ପ୍ରଥମ ଦିନିକିଆରୁ ବାଦ ପଡିଥିଲେ । ତେଣୁ ଯଦି କୋହଲି ଶୀଘ୍ର ଫିଟ ନୁହନ୍ତି ତେବେ ବାରବାଟୀରେ ଦର୍ଶକ ନିରାଶ ହେବା ନିଶ୍ଚିତ । କାରଣ କେବଳ କୋହଲିଙ୍କୁ ଦେଖିବାକୁ ବାରବାଟୀରେ ନିଆରା କ୍ରେଜ ଦେଖିବାକୁ ମିଳିଛି । Virat Kohli ଏବଂ ରୋହିତ ଶର୍ମାଙ୍କୁ ଦେଖିବାକୁ ଚାତକ ଭଳି ଅପେକ୍ଷା କରିଛନ୍ତି କ୍ରିକେଟପ୍ରେମୀ । ରାତି ଅଧରୁ ଯାଇ ଲାଇନରେ ଠିଆ ହୋଇ ଟିକେଟ ଖଣ୍ଡେ ଖଣ୍ଡେ କାଟିଛନ୍ତି । ଯଦି କୋହଲି ବାରବାଟୀ ମ୍ୟାଚ ନଖେଳନ୍ତି ତେବେ ନିରାଶ ଓ ଅତୋତ୍ସାହିତ ହେବେ ହଜାର ହଜାର ଦର୍ଶକ । ତେବେ ବିରାଟ କୋହଲିଙ୍କ ଆହତ ସମସ୍ୟାକୁ ନେଇ ବଡ ଅପଡେଟ ଦେଇଛନ୍ତି ଶୁଭମନ ଗିଲ । ସେ କହିଛନ୍ତି, ଅଭ୍ୟାସ ବେଳେ କୋହଲି ସାମାନ୍ୟ ଆହତ ହୋଇଥିଲେ । କିନ୍ତୁ ୨ୟ ମୁକାବିଲାରେ ସେ ସମ୍ପୂର୍ଣ୍ଣ ଫିଟ ହୋଇଯାଇଛନ୍ତି।
ସୂଚନା ଯେ, ଭାରତ ଏବଂ ଇଂଲଣ୍ଡ ମଧ୍ୟରେ ଜାରି ରହିଥିବା ୩ ଟିକିଆ ଦିନିକିଆ ସିରିଜରେ ଦ୍ବିତୀୟ ମୁକାବିଲା ବାରବାଟୀ ଷ୍ଟାଡିୟମରେ ଖେଳାଯିବ । ଏଥିପାଇଁ OCA ପକ୍ଷରୁ ସମସ୍ତ ପ୍ରସ୍ତୁତି ଶେଷ ହୋଇଛି । ଆଜି ଦିନ ୧ଟା ୩୦ରୁ ଆରମ୍ଭ ହେବ ମ୍ୟାଚ
