ଲଣ୍ଡନ,୨୯।୭: ଭାରତୀୟ କ୍ରିକେଟ ଅଧିନାୟକ ବିରାଟ କୋହଲି ଏବେ ଇଂଲଣ୍ଡ ବିପକ୍ଷ ପାଞ୍ଚ ମ୍ୟାଚ ଟେଷ୍ଟ ସିରିଜ ପାଇଁ ପ୍ରସ୍ତୁତ ହେଉଛନ୍ତି। କିନ୍ତୁ ମଝିରେ ମଝିରେ ସେ ବିବାଦରେ ପଡ଼ି ଯାଉଛନ୍ତି। ଏହି ବିବାଦର କାରଣ ହେଉଛି ସୋସିଆଲ ମିଡିଆରେ ତାଙ୍କର ଏକ ପୋଷ୍ଟ। ନିଜ ପୋଷ୍ଟରେ ସେ ଏକ ଘରୋଇ ବିଶ୍ୱବିଦ୍ୟାଳୟର ପ୍ରଚାର କରିଛନ୍ତି। ଏହି ପ୍ରଚାରରେ ସେ ଟୋକିଓରେ ଖେଳୁଥିବା ଅଲିମ୍ପିକ ଖେଳାଳିଙ୍କ ବିଷୟରେ ମଧ୍ୟ ଉଲ୍ଲେଖ କରିଛନ୍ତି। ବିରାଟ କୋହଲିଙ୍କ ଏହି ପୋଷ୍ଟ ସୋସିଆଲ ମିଡିଆରେ ଭାଇରାଲ ହୋଇଛି। ଲୋକମାନେ ତାଙ୍କୁ ଟ୍ରୋଲ କରିଛନ୍ତି।
ବିରାଟ କୋହଲିଙ୍କ ଏହି ପୋଷ୍ଟକୁ ବିଜ୍ଞାପନ ମାନକ ପରିଷଦ (ଏଏସସିଆଇ) ର ଆପତ୍ତି ରହିଛି ଏବଂ ଖୁବ ଶୀଘ୍ର ତାଙ୍କୁ ଏଥିପାଇଁ ଏକ ନୋଟିସ୍ ପଠାଯାଇପାରେ। କାରଣ କୋହଲିଙ୍କ ପୋଷ୍ଟ ଏଏସସିଆଇର ନିର୍ଦ୍ଦେଶାବଳୀକୁ ଉଲ୍ଲଂଘନ କରୁଛି। ଏଏସସିଆଇର ନିର୍ଦ୍ଦେଶାବଳୀ ଅନୁଯାୟୀ, ଏହି ପୋଷ୍ଟରେ କୌଣସି ଡିକ୍ଲାମେୟର ନାହିଁ, ଅର୍ଥାତ୍ ବିରାଟ ପୋଷ୍ଟରେ କୌଣସି ସୂଚନା ଦେଇ ନାହାଁନ୍ତି ଯେ ଏହା ଏକ ଦେୟଯୁକ୍ତ ବିଜ୍ଞାପନ ଅଟେ। ବିରାଟ କୋହଲି ତାଙ୍କ ପୋଷ୍ଟରେ ଲେଖିଛନ୍ତି, କି ରେକର୍ଡ। ଭାରତର ଅଲିମ୍ପିକ ଖେଳାଳିଙ୍କ ୧୦% ଲଭଲି ପ୍ରଫେସନାଲ ୟୁନିଭରସିଟିର। ମୁଁ ଆଶା କରୁଛି ଶୀଘ୍ର ଏଲପିୟୁ ଏହାର ଛାତ୍ରୀଛାତ୍ରମାନଙ୍କୁ ଭାରତୀୟ କ୍ରିକେଟ ଦଳକୁ ମଧ୍ୟ ପଠାଇବ। ‘ଜୟ ହିନ୍ଦ’। ବିରାଟ କୋହଲିଙ୍କ ପୋଷ୍ଟରେ ଏଏସସିଆଇ ଅଧିକାରୀମାନେ କହିଛନ୍ତି ଯେ ସେମାନେ ଏହି ଘଟଣାର ଅନୁସନ୍ଧାନ କରୁଛନ୍ତି ଏବଂ ଖୁବ ଶୀଘ୍ର ବିରାଟ କୋହଲିଙ୍କଠାରୁ ଉତ୍ତର ମିଳିବ।
ବିରାଟ କୋହଲି ବର୍ତ୍ତମାନ ଡରହମରେ ଅଛନ୍ତି ଏବଂ ସେ ଭାରତୀୟ ଦଳ ସହିତ ଟେଷ୍ଟ ସିରିଜ ପାଇଁ ପ୍ରସ୍ତୁତ ହେଉଛନ୍ତି। ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟ ଅଗଷ୍ଟ ୪ରେ ଆରମ୍ଭ ହେବ।
