ନୂଆଦିଲ୍ଲୀ, ୨୦ା୭: ଭାରତୀୟ କ୍ରିକେଟ୍ ଟିମ୍ର ପୂର୍ବତନ କ୍ୟାପ୍ଟେନ ବିରାଟ କୋହଲି ମୈଦାନକୁ ଫେରିବାକୁ ପ୍ରସ୍ତୁତ ହେଉଛନ୍ତି । ଟି-୨୦ ବିଶ଼୍ବକପ୍ ୨୦୨୪ ଟାଇଟଲ ଜିତିବା ପରେ କୋହଲି କିଛି ଦିନ ପାଇଁ ବିରତି ନେଇଥିଲେ । ଏହି ସମୟ ମଧ୍ୟରେ ସେ ଲଣ୍ଡନ ଯାଇଥିଲେ । ତେବେ ପୂର୍ବରୁ କୋହଲି ଶ୍ରୀଲଙ୍କା ଗସ୍ତରେ ଯିବେ ନାହିଁ ବୋଲି ଖବର ଆସିଥିଲା । ସେ ଟି-୨୦ ଇଣ୍ଟରନ୍ୟାସନାଲଲ ଫର୍ମାଟରୁ ଅବସର ଘୋଷଣା କରିଥିଲେ ମଧ୍ୟ ସେ ଟେଷ୍ଟ ଏବଂ ଓଡିଆଇ ଖେଳିବା ଜାରି ରଖିବେ। ତେବେ ଆଗାକୁ ଭାରତୀୟ ଶ୍ରୀଲଙ୍କା ବିପକ୍ଷ ଟି-୨୦ ଏବଂ ୱାନ୍ଡେ ସିରିଜ ଖେଳିବାକୁ ଯାଉଛି । କୋହଲି କେବଳ ୱାନ୍ଡେ ସିରିଜ୍ ଖେଳିବେ । ଏହି ସିରିଜ୍ରେ ସେ ଏକ ନୂଆ ରେକର୍ଡର ଟାର୍ଗେଟ୍ରେ ରହିବେ ବୋଲି ଜଣାପଡ଼ିଛି ।
ବର୍ତ୍ତମାନ ଦିନିକିଆ କ୍ରିକେଟରେ ସର୍ବାଧିକ ରନ ସଂଗ୍ରହ କରିଥିବା ବ୍ୟାଟ୍ସମ୍ୟାନ ହେଉଛନ୍ତି ଭାରତର ସଚିନ ତେନ୍ଦୁଲକର । ତାଙ୍କ କ୍ୟାରିଅର୍ ସମୟରେ ସେ ୪୬୩ଟି ଓଡିଆଇ ମ୍ୟାଚ ଖେଳି ମୋଟ ୧୮,୪୨୬ ରନ ସ୍କୋର କରିଛନ୍ତି । ଏହାପରେ ଶ୍ରୀଲଙ୍କାର କୁମାର ସାଙ୍ଗାକାର ଦ୍ୱିତୀୟ ସ୍ଥାନରେ ଅଛନ୍ତି । ଯିଏ କି ୪୦୪ଟି ମ୍ୟାଚ ଖେଳି ନିଜ ଓଡିଆଇ କ୍ୟାରିୟରରେ ୧୪,୨୩୪ ରନ ସ୍କୋର କରିଛନ୍ତି । ବର୍ତ୍ତମାନ ବିରାଟ କୋହଲି ତୃତୀୟ ସ୍ଥାନରେ ଅଛନ୍ତି, ସେ ଏପର୍ଯ୍ୟନ୍ତ ୨୯୨ଟି ମ୍ୟାଚରେ ୧୩୮୪୮ରନ ସଂଗ୍ରହ କରିଛନ୍ତି। ଏହାର ଅର୍ଥ ହେଉଛି ଏହି ଫର୍ମାଟରେ ୧୪ ହଜାର ରନ ପୂରଣ କରିବା ପାଇଁ ତାଙ୍କୁ ମାତ୍ର ୧୫୨ ରନ ଆବଶ୍ୟକ । ଏହି ସିରିଜ ତିନିଟି ମ୍ୟାଚ ବିଶିଷ୍ଟ ଏବଂ କୋହଲି ସମସ୍ତ ମ୍ୟାଚ ଖେଳିବେ। ତେଣୁ ଏହି ୧୪ ହଜାର ରନ୍ ପହଞ୍ଚିବା କଷ୍ଟସାଧ୍ୟ ହେବ ନାହିଁ ।
