ସୋସିଆଲ ମିଡିଆରେ ଭାଇରାଲ ହେବାକୁ ଆଜିକାଲି ଲୋକେ କିଛି ବି କରିବାକୁ ପ୍ରସ୍ତୁତ ହୋଇଯାଉଛନ୍ତି। ଯେପରି ତାଙ୍କର ମାନ ସମ୍ମାନ ଚାଲିଗଲେ ବି କିଛି ପରବାଏ ନାହିଁ। ପୂର୍ବରୁ ଆପଣ ଅନେକ ଭିଡିଓ ଦେଖିଥିବେ ଯେଉଁଥିରେ ପ୍ରେମୀଯୁଗଳ ଚଳନ୍ତା ବାଇକ୍ରେ ରୋମାନ୍ସ କରୁଥିବା ନଜର ଆସିଥିବ। ଏହିଭଳି ଏକ ଭିଡିଓ ପୁଣି ସାମ୍ନାକୁ ଆସିଛି। ଭିଡିଓଟି ଛତିଶଗଡ଼ର ବିଳାସପୁର ଅଞ୍ଚଳର, ଯେଉଁଠାରେ ଏକ ପ୍ରେମୀଯୁଗଳ ସର୍ବସମ୍ମୁଖରେ ରୋମାନ୍ସ କରୁଥିବା ଦେଖାଯାଉଛି।
ଭିଡିଓରେ ଦେଖିବାକୁ ମିଳୁଛି ଯେ ବିଳାସପୁରର ସରକଣ୍ଡା ଥାନା ଅଞ୍ଚଳରେ ଏକ ପ୍ରେମୀଯୁଗଳ ଫିଲ୍ମଷ୍ଟାଇଲ୍ରେ ବାଇକ୍ରେ ରୋମାନ୍ସ କରୁଛନ୍ତି। ଯୁବତୀଜଣଙ୍କ ବାଇକ୍ ଟାଙ୍କିରେ ବସିଥିବା ବେଳେ ଯୁବକଜଣଙ୍କ ବାଇକ୍ ଚଳାଇବା ଅବସ୍ଥାରେ ରୋମାନ୍ସ କରି ଚାଲିଛନ୍ତି। ଅଧାରାତିରେ ସେ ଦୁହେଁ ନିର୍ଡର ହୋଇ ବୁଲୁଛନ୍ତି। ସେମାନଙ୍କର କେହି ଭିଡିଓ କରିବ ବୋଲି ଅନୁମାନ କରିବା ବି ଅସମ୍ଭବ। ଶେଷରେ ତାହା ହୋଇଛି। କେହିଜଣେ ଭିଡିଓ କରି ଶେୟାର କରିଦେବା ପରେ ତାହା ଭାଇରାଲ ହେଉଛି।
ତେବେ ଭୟଶୂନ ହୋଇ ପ୍ରେମୀଯୁଗଳ ବାଇକ୍ରେ ବୁଲୁଥିବାବେଳେ ସେହି ରାସ୍ତା ଦେଇ ଏକ ବସ୍ ଯାଉଥିଲା। ବସ୍ ଡ୍ରାଇଭର ତାଙ୍କର ଭିଡିଓ କରି ସୋସିଆଲ ମିଡିଆରେ ଛାଡ଼ି ଦେଇଥିଲେ। ଭିଡିଓ ଦେଖି ଲୋକେ ଏହା ଯାତାୟାତ ନିୟମର ଉଲ୍ଲଘଂନ ବୋଲି କହୁଛନ୍ତି। ଏହାଛଡ଼ା ଦୁହିଁଙ୍କୁ କିଛି ଲୋକେ ଭତ୍ସନା ବି କରୁଛନ୍ତି।
