କଥାରେ ଅଛି, କର୍ମର ଫଳ ନିଶ୍ଚେ ମିଳେ। ଭଲ ହେଉ କିମ୍ବା ମନ୍ଦ ଦିନେ ନା ଦିନେ କର୍ମର ଫଳ ମିଳିଥାଏ। ନିକଟରେ ଏହି ଉକ୍ତିର ଉଦାହରଣ ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ ଦେଖିବାକୁ ମିଳିଛି। ବୁଲା କୁକୁରକୁ ଗୋଇଠା ମାରି କ୍ଷତି ପହଞ୍ଚାଇବାକୁ ଚାହୁଁଥିବା ଜଣେ ବ୍ୟକ୍ତି କିପରି ନିଜେ ଅସୁବିଧାରେ ପଡନ୍ତି ତାହା ଭିଡିଓରୁ ଦେଖିବାକୁ ମିଳେ।
ନେଚରହୋଲିକ୍ ନାମକ ଏକ ଟୁଇଟର୍ ଆକାଉଣ୍ଟରେ ଘଟଣାର ଏକ ସିସିଟିଭି ଫୁଟେଜ ପୋଷ୍ଟ କରାଯାଇଥିଲା। ଭିଡିଓରେ ପ୍ରଥମେ ଜଣେ ବ୍ୟକ୍ତି ରାସ୍ତାରେ ଯାଉଥିବାର ଦେଖାଯାଇଥିଲା। ତା’ପରେ ସେ ଏକ ବୁଲା କୁକୁର ନିକଟକୁ ଯାଇ ତାକୁ ଗୋଇଠା ମାରିବା ପାଇଁ ବାମ ଗୋଡକୁ ଉପରକୁ ଉଠାଇଥିଲେ। କେିନ୍ତୁ ତାଙ୍କ ଗୋଡି ଖସି ଯିବାରୁ ସେ ରାସ୍ତାରେ ଜୋର୍ରେ ପଡିଯାଇଥିଲେ। କୁକୁରଟି ସେହି ସ୍ଥାନରୁ ପଳାଇଥିଲା। ଏହି ଘଟଣାର ଭିଡିଓ ଏବେ ଭାଇରାଲ ହେବାରେ ଲାଗିଛି।
ଭିଡିଓ ସହିତ କ୍ୟାପସନରେ ‘ପରଫେକ୍ଟ କର୍ମ’ ଲେଖାଯାଇଛି। ଫେବୃୟାରୀ ୧୯ରେ ଶେୟାର ହୋଇଥିବା ଏହି ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି। ଏହି ଭିଡିଓକୁ ପ୍ରାୟ ୩ ଲକ୍ଷ ୮୦ ହଜାର ଥର ଦେଖାଯାଇଛି ।
