ଅଶାନ୍ତ ଗାଁ: ଗ୍ରାମବାସୀ-ପ୍ରଶାସନ ମୁହାଁମୁହିଁ

ଭୋଗରାଇ,୨୦ା୯(ପ୍ରଦୀପ ଦାସ): ବାଲେଶ୍ୱର ଜିଲା ଭୋଗରାଇ ବ୍ଲକ ଗୋପୀନାଥପୁର ପଞ୍ଚାୟତ ଉକ୍ତ ଗ୍ରାମର ସରକାରୀ ଜାଗା ମାପଚୁପକୁ କେନ୍ଦ୍ର କରି ଶୁକ୍ରବାର ମଧ୍ୟାହ୍ନରେ ଗ୍ରାମବାସୀଙ୍କ ସହିତ ପ୍ରଶାସନ ମୁହାଁମୁହିଁ ହୋଇ ଉତ୍ତେଜନା ସୃଷ୍ଟି ହୋଇଥିଲା। ପ୍ରଶାସନ ଓ ଗ୍ରାମବାସୀଙ୍କ ଦୀର୍ଘସମୟ ଯୁକ୍ତିତର୍କରେ ଆଇନଶୃଙ୍ଖଳା ବିଗିଡିଯାଉଥିବା ବେଳେ ପ୍ରଶାସନର ଉପସ୍ଥିତ ବୁଦ୍ଧି ଓ ପ୍ରତିଶ୍ରୁତି ପରେ ଉତ୍ତେଜିତ ଗ୍ରାମବାସୀ ନରମିଥିଲେ।
ସୂଚନାନୁଯାୟୀ, ଗୋପୀନାଥପୁର ଗ୍ରାମର କେତେକ ସରକାରୀ ଜାଗା ଚି଼ହ୍ନଟ ଓ ଉଚ୍ଛେଦ ନିମନ୍ତେ ଗ୍ରାମର ଏକ ଗୋଷ୍ଠୀ ଜିଲାପାଳଙ୍କ ଜନଶୁଣାଣିରେ ଅଭିଯୋଗ କରିଥିଲେ। ଏହି ଅଭିଯୋଗକୁ ଭିତ୍ତିକରି ଗ୍ରାମର ଅନ୍ୟ ଏକ ବଡ଼ ଗୋଷ୍ଠୀ ମଧ୍ୟ ଅନୁରୂପ ଭାବେ ଗ୍ରାମର ସମସ୍ତ ସରକାରୀ ଜାଗା ଚି଼ହ୍ନଟ ଓ ଉଚ୍ଛେଦ ନିମନ୍ତେ ଦାବି ରଖିଥିଲେ। ଏହି ସରକାରୀ ଜାଗାକୁ ନେଇ ୨୦୨୩ ମସିହାରୁ ଗ୍ରାମରେ ବିବାଦ ଲାଗି ରହିଥିଲା। ସରକାରୀ ସ୍ତରରେ ୩ଥର ମାପଚୁପ ହୋଇଥିଲେ ମଧ୍ୟ ସମାଧାନର ରାସ୍ତା ଫିଟି ନ ପାରି ଗ୍ରାମରେ ଅସନ୍ତୋଷ କୁହୁଳିଥିଲା। ଉକ୍ତ ଗ୍ରାମର ୪ଟି ଘରବାଡି ସରକାରୀ ଜାଗା ଅବରୋଧ କରାଯାଉଥିବା ଏକ ଗୋଷ୍ଠୀ ପ୍ରଶାସନ ଓ କୋର୍ଟରେ ପିଟିସନ କରିଥିବା ବେଳେ ଗ୍ରାମର ଅନ୍ୟ ଏକ ବଡଗୋଷ୍ଠୀ ଗ୍ରାମରେ ଥିବା ୨୩ଏକର ସରକାରୀ ଜାଗା ଅବରୋଧ କରିଥିବା ବ୍ୟକ୍ତିଙ୍କୁ ଉଚ୍ଛେଦ ଦାବିରେ ମଧ୍ୟ ଜିଲା ପ୍ରଶାସନ ଓ କୋର୍ଟରେ ଅପିଲ କରିଥିଲ। ଏଭଳି ସ୍ଥିତିରେ କୋର୍ଟ ଅର୍ଡର ଅନୁଯାୟୀ ଭୋଗରାଇ ଅତିରିକ୍ତ ତହସିଲଦାର ପ୍ରତାପ କୁମାର ବେହେରା, ଥାନାଧିକାରୀ ରୋହିତ କୁମାର ବଳ, ରାଜସ୍ବ ନିରୀକ୍ଷକଙ୍କ ସହ ୧ ପ୍ଲାଟୁନ ପୋଲିସ ଫୋର୍ସ ଗୋପୀନାଥପୁର ଗ୍ରାମରେ ପହଞ୍ଚି ସରକାରୀ ଜାଗା ମାପଚୁପ ଉଦ୍ୟମ କରୁଥିବାବେଳେ ଶତାଧିକ ଗ୍ରାମବାସୀ ଗ୍ରାମରେ ଥିବା ସମସ୍ତ ସରକାରୀ ଜାଗା ଚି଼ହ୍ନଟ କରାଯାଉ ବୋଲି ଅଡ଼ି ବସି ପ୍ରତିବାଦ କରିଥିଲେ। ପ୍ରଶାସନର ତରବରିଆ ମାପଚୁପ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଓ ପକ୍ଷପାତିତା ବୋଲି ଅଭିଯୋଗ କରି ଗ୍ରାମବାସୀ ନ୍ୟାୟ ପାଇଁ ଦାବି କରି ନାରାବାଜି ପ୍ରଦର୍ଶନ କରିଥିଲେ। ସ୍ଥିତି କ୍ରମଶଃ ବିଗିଡିଯାଉଥିବା ବେଳେ ରାଜସ୍ବ ବିଭାଗ, ଥାନାଧିକାରୀଙ୍କ ଧୈର୍ଯ୍ୟପୂର୍ଣ୍ଣ ନରମ ମନୋଭାବ ଓ ପ୍ରତିଶ୍ରୁତି ଦେବାରୁ ଗ୍ରାମବାସୀ ଶାନ୍ତ ପଡିଥିଲେ। ପରେ ଗ୍ରାମରେ ସରକାରୀ ଜାଗା ଚି଼ହ୍ନଟ ପାଇଁ ପ୍ରଶାସନ ଉପସ୍ଥିତିରେ ଚେନ ପକାଇ ମାପଚୁପ ହୋଇଥିଲା। ଉଲ୍ଲେଖନୀୟ ଯେ, ଗତ ମାର୍ଚ୍ଚ ୩୦ତାରିଖରେ ଉକ୍ତ ଗ୍ରାମର ସରକାରୀ ଜାଗାରେ ଉଭୟ ଗୋଷ୍ଠୀର ମଧୁ ପାର୍ବଣର ବାସନ୍ତୀ ମୂର୍ତ୍ତି ସହ ପାର୍ଶ୍ୱଦେବୀଦେବଙ୍କ ମୁଣ୍ଡ କାଟକୁ ନେଇ ଗ୍ରାମରେ ତୀବ୍ର ଉତ୍ତେଜନା ପ୍ରକାଶ ପାଇବା ପରେ ଉକ୍ତ ସ୍ଥାନରେ କେହି ପୂଜା କରିପାରିବେ ନାହିଁ ବୋଲି ପ୍ରଶାସନ ପକ୍ଷରୁ କଟକଣା ଲାଗିଥିଲା।

Enter your email to get our daily news in your inbox.

All Right Reserved By Dharitri.Com

ଜିରୋ ବାଲାନ୍ସ ଆକାଉଣ୍ଟଧାରୀଙ୍କ ପାଇଁ ଖୁସି ଖବର, ଏବେ ସେମାନେ ପାଇବେ…

ନୂଆଦିଲ୍ଲୀ,୬।୧୨: ଭାରତୀୟ ରିଜର୍ଭ ବ୍ୟାଙ୍କ (RBI) ସାଧାରଣ ଗ୍ରାହକଙ୍କୁ ଆଶ୍ୱସ୍ତି ପ୍ରଦାନ କରି ମୌଳିକ ସଞ୍ଚୟ ବ୍ୟାଙ୍କ ଜମା (BSBD) ଆକାଉଣ୍ଟରେ ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରିଛି।...

ଘରଦ୍ୱାର ଭାଙ୍ଗିଲେ ହାତୀପଲ, ବାଡ଼ିରେ ପଶି ଖାଇଗଲେ…

ଗଜପତି,୬ା୧୨(ଗିରିଧାରୀ ପରିଛା): ଗଜପତି ଜିଲା ଗୁମ୍ମାବ୍ଲକରେ ହାତୀଙ୍କ ଉପଦ୍ରବ ଲାଗି ରହିଛି। ଗତ ୪ ଦିନ ହେଲା ୪ ଟିକିଆ ହାତୀପଲ ଗୁମ୍ମା ବ୍ଲକର ଗାଁକୁ...

ଯନ୍ତ୍ରୀଙ୍କ କାର୍ଯ୍ୟାଳୟ ସମ୍ମୁଖରେ ଗ୍ରାମବାସୀଙ୍କ ସହ ଧାରଣାରେ ବସିଲେ ପୂର୍ବତନ ଏମ୍‌ପି, କହିଲେ ବିନା ପିସିରେ..

ବଲାଙ୍ଗୀର,୬ା୧୨(ସୁନିଲ କୁମାର ମହାନ୍ତି): ଲୋଇସିଂହା ନିର୍ବାଚନ ମଣ୍ଡଳୀ ଅନ୍ତର୍ଗତ ପିପିଲି – ଜାମୁଟିଆ ରାସ୍ତାକାମ ନିମ୍ନମାନର ତିଆରି ହେଉଥିବା ଅଭିଯୋଗ ନେଇ ପିପିଲି ଗ୍ରାମବାସୀଙ୍କ ସହ...

୪୪% ବଢିବ ଦରମା! ସରକାରଙ୍କ ହାତରୁ ଯିବ ଏତେ କୋଟି ଟଙ୍କା

ନୂଆଦିଲ୍ଲୀ,୬।୧୨: ଅଷ୍ଟମ ବେତନ କମିଶନକୁ ନେଇ ବଡ଼ ଅପଡେଟ୍‌ ଆସିଛି । କେନ୍ଦ୍ର ସରକାର ଦେଶର ଲକ୍ଷ ଲକ୍ଷ ସରକାରୀ କର୍ମଚାରୀ ଏବଂ ପେନସନ୍‌ଭୋଗୀଙ୍କୁ ବଡ଼...

ପାର୍‌ ହେଉହେଉ ଭାଙ୍ଗିପଡ଼ିଲା ପୋଲ

ଆନନ୍ଦପୁର,୬ା୧୨(ସୁଶାନ୍ତ କୁମାର ସାହୁ): କେନ୍ଦୁଝର ଜିଲା ଆନନ୍ଦପୁର ବ୍ଲକ ତରତରା କଣ୍ଟିପାଳ ମୁଖ୍ୟ ରାସ୍ତାର କୁକୁରିଆନାଳ ହୋଇଥିବା ପୋଲଟି ଭାଙ୍ଗିଯାଇଛି। ସୂଚନାରୁ ଜଣାପଡ଼ିଛି, ଏହି ପୋଲ...

ପୁଣି ଫସିଲେ କିଙ୍ଗ ଖାନଙ୍କ ପୁଅ ଆର୍ଯ୍ୟନ ଖାନ, ଭିଡିଓ ଭାଇରାଲ ପରେ ବଢିଲା ଅଡୁଆ

ମୁମ୍ବାଇ,୬।୧୨: ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନ ବିବାଦରେ ଗଭୀର ଭାବରେ ଜଡିତ। ପ୍ରଥମେ ଡ୍ରଗ୍ସ ମାମଲା, ତା’ପରେ ‘ବ୍ୟାଡ୍ସ ଅଫ ବଲିଉଡ’ରେ ତାଙ୍କ ଭୂମିକାକୁ...

ଭାରତର ଏସବୁ ଜିନିଷ ଉପରେ ନିର୍ଭର କରେ ଋଷିଆ, ଖର୍ଚ୍ଚ କରେ ଏତେ ଟଙ୍କା

ନୂଆଦିଲ୍ଲୀ,୬।୧୨: ରୁଷିଆ ଏବଂ ଭାରତ ଦୀର୍ଘଦିନ ଧରି ଦୃଢ଼ ସମ୍ପର୍କ ଉପଭୋଗ କରିଆସିଛନ୍ତି। ଏହି ଗଭୀର ସମ୍ପର୍କ ଦୁଇ ଦେଶ ମଧ୍ୟରେ ବାଣିଜ୍ୟରେ ପ୍ରତିଫଳିତ ହୋଇଛି।...

ଇଣ୍ଡିଗୋ ସଙ୍କଟ: ଖୁବ୍‌ ଜୋର ପାଟି କରି କାଉଣ୍ଟର ଉପରକୁ ଚଢିଗଲେ ବିଦେଶିନୀ

ନୂଆଦିଲ୍ଲୀ,୬।୧୨: ଗତ ଚାରି ଦିନ ମଧ୍ୟରେ ସାରା ଦେଶରେ ୧,୦୦୦ରୁ ଅଧିକ ଇଣ୍ଡିଗୋ ବିମାନ ବାତିଲ କରାଯାଇଛି, ଯାହା ଯାତ୍ରୀମାନଙ୍କୁ ବହୁତ ଅସୁବିଧାର ସମ୍ମୁଖୀନ କରୁଛି।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri