ବଲାଙ୍ଗୀର,୨୬/୮( ସୁନିଲ କୁମାର ମହାନ୍ତି): ବଲାଙ୍ଗୀର ସଦର ଥାନା ଅନ୍ତର୍ଗତ ତୁଷୁରା ବାହାଲ ପଂଚାୟତ ଡ଼ଙ୍ଗାଘାଟ ଗାଁରେ ଚାଷ ଜମିକୁ କେନ୍ଦ୍ର କରି ଦୁଇ ଗୋଷ୍ଠୀ ମଧ୍ୟରେ ମୁହାଁମୁହିଁ ସଂଘର୍ଷ ହୋଇଛି। ଏଥିରେ ୩ ଜଣ ଗୁରୁତର ହୋଇଥିବା ବେଳେ ୫ ଜଣ ଆହାତ ହେଇଛନ୍ତି l ଚାଷ ଜମିକୁ ନେଇ ସଂଘର୍ଷ ହୋଇଥିବା ଗାଁରେ ଆଲୋଚନା ହେଉଛି । ଦୁଇ ଗୋଷ୍ଠୀ ପୂର୍ବରୁ ଶତ୍ରୁତା ରହିଥିବା ବେଳେ ବିଭିନ୍ନ ସମୟରେ ଝଗଡା ହୋଇଆସୁଥୁଲା l ଆଜି କିନ୍ତୁ ଝଗଡ଼ା ହାତାହାତି ହୋଇ ଦୁଇ ପକ୍ଷରୁ ଗାଁ ମଝି ରାସ୍ତାରେ ଠେଙ୍ଗାରେ ମାଡ଼ ପିଟ ହୋଇଥିଲେ । ଗାଁ ମଝି ରଣକ୍ଷେତ୍ର ପାଲଟିଥିବା ବେଳେ ଗ୍ରାମବାସୀ ଦେଖଣା ହାରି ହୋଇଥିଲେ । ସଂଘର୍ଷ ହେବା ଫଳରେ ୮ ଜଣ ଆହତ ହେଇଛନ୍ତି । ସମସ୍ତଙ୍କୁ ବଲାଙ୍ଗୀର ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲକୁ ଅଣାଯାଇଛି । ଗାଁରେ ସଦର ପୋଲିସ ଟିମ ପହଞ୍ଚି ଘଟଣାର ତଦନ୍ତ କରୁଥିବା ଜଣାପଡିଛି । ପୂର୍ବ ଶତ୍ରୁତା ନେଇ ଗୋଷ୍ଠୀ ସଙ୍ଘର୍ଷ ହୋଇଥିବା ପୋଲିସ ଅନୁମାନ କରୁଛି । ଗାଁରେ ଏବେ ଗୋଷ୍ଠୀ ସଂଘର୍ଷକୁ ନେଇ ଉତ୍ତେଜନା ଲାଗି ରହିଥିବା ବେଳେ ପୋଲିସ ପରିସ୍ଥିତିକୁ ନିୟନ୍ତ୍ରଣରେ ରଖିବାକୁ ପଦକ୍ଷେପ ନେଇଛି।
