ମୁମ୍ବାଇ: ବଲିଉଡ ଅଭିନେତା ବିଦ୍ୟୁତ ଜାମୱାଲ ସେପ୍ଟେମ୍ବର ୨୦୨୧ ରେ ଫ୍ୟାଶନ ଡିଜାଇନର୍ ନନ୍ଦିତା ମେହେତାନୀଙ୍କ ନିର୍ବନ୍ଧ ହୋଇଥିଲା। ଉଭୟ ନିଜ ସମ୍ପର୍କକୁ ଅଫିସିଆଲ କରି ଖବର ହେଡଲାଇନରେ ଥିଲେ। ଅବଶ୍ୟ, ସେମାନଙ୍କ ନିର୍ବନ୍ଧର କିଛି ଦିନ ପରେ, ସେମାନଙ୍କ ଅଲଗା ହେବା ବିଷୟରେ କଳ୍ପନାଜଳ୍ପନା ଚାଲିଥିଲା। ତେବେ ବର୍ତ୍ତମାନ ସେମାନଙ୍କ ପ୍ରଶଂସକଙ୍କ ପାଇଁ ଏକ ଖୁସି ଖବର ଆସିଛି। ଖବର ଅଛି ଉଭୟ ଖୁବ ଶୀଘ୍ର ବିବାହ କରିବାକୁ ଯାଉଛନ୍ତି। ତେବେ ଏକ ଖବର ମଧ୍ୟ ରହିଛି ଏହି ଦମ୍ପତି ବିବାହ କରି ସାରିଛନ୍ତି ଏବେ ଏହାକୁ ଘୋଷଣା କରିବାକୁ ଯୋଜନା କରିଛନ୍ତି।
ପପ ଡାଏରୀ ରିପୋର୍ଟ ଅନୁଯାୟୀ ବିଦ୍ୟୁତ ଜାମୱାଲ ଏବଂ ନନ୍ଦିତାଙ୍କ ବିବାହ ଟିନ୍ସେଲ ସହରରେ ହେବ। ବିଦ୍ୟୁତ ଖୁବ ଶୀଘ୍ର ବିବାହ ପାଇଁ ଲଣ୍ଡନ ଯିବେ କାରଣ ନନ୍ଦିତା ସେଠାରେ ରୁହନ୍ତି। ପ୍ରକାଶ ଥାଉକି, କିଛି ଗଣମାଧ୍ୟମ ରିପୋର୍ଟରେ ଏହା ଦାବି କରାଯାଉଛି ବିଦ୍ୟୁତ ଏବଂ ନନ୍ଦିତା ପୂର୍ବରୁ ବିବାହ କରି ସାରିଛନ୍ତି। ଗତ ବର୍ଷ ଜୁଲାଇରେ ଏହି ଦମ୍ପତି ବିବାହ କରିଥିଲେ। ଯଦିଓ ଦୁହେଁ ନିଜ ବିବାହକୁ ଏପର୍ଯ୍ୟନ୍ତ ଗୁପ୍ତ ରଖିଛନ୍ତି। ଯଦି ଏହି ରିପୋର୍ଟଗୁଡିକ ସତ୍ୟ ବୋଲି ପ୍ରମାଣିତ ହୁଏ ତେବେ ଦମ୍ପତି ଏକ ବଡ ଯୋଜନା ସହିତ ସେମାନଙ୍କର ବିବାହକୁ ଅଫିସିଆଲ କରିବେ ।
ସେପ୍ଟେମ୍ବର ୨୦୨୧ ରେ, ଦମ୍ପତି ତାଜମହଲ ସାମ୍ନାରେ ଠିଆ ହୋଇଥିବାର ଏକ ଚିତ୍ର ଶେୟାର କରି ସେମାନଙ୍କ ନିର୍ବନ୍ଧ ସମ୍ପର୍କରେ ଘୋଷଣା କରିଥିଲେ। ଯଦିଓ ଦୁହେଁ ସେମାନଙ୍କ ନିର୍ବନ୍ଧକୁ ମଧ୍ୟ ଗୁପ୍ତ ରଖିଥିଲେ।
ନନ୍ଦିତା ପୂର୍ବରୁ କରିସ୍ମା କପୁରଙ୍କ ପୂର୍ବତନ ସ୍ବାମୀ ସଞ୍ଜୟ କପୁରଙ୍କୁ ବିବାହ କରିଥିଲେ। ଅବଶ୍ୟ, ଏହି ବିବାହ କେବଳ ଅଳ୍ପ ଦିନ ପାଇଁ ଥିଲା । ୨୦୦୩ ରେ ସେମାନଙ୍କର ଛାଡପତ୍ର ହୋଇଥିଲା। ତାଙ୍କର ଦ୍ୱିତୀୟ ବିବାହ ବିଦ୍ୟୁତଙ୍କ ସହ ହେବ।
