ନୂଆଦିଲ୍ଲୀ,୧।୧୨: ଭାରତୀୟ ସେନା ସୋମବାର ବଙ୍ଗୋପସାଗର ଉପରେ ବ୍ରହ୍ମୋସ୍ ସୁପରସୋନିକ୍ କ୍ରୁଜ୍ ମିସାଇଲ୍ର ସଫଳ ପରୀକ୍ଷଣ କରିଛି। ଦକ୍ଷିଣ କମାଣ୍ଡର ଏକ ବ୍ରହ୍ମୋସ୍ ୟୁନିଟ୍ ଦ୍ୱାରା ଏହି ଦୂରଗାମୀ ଏବଂ ସଠିକ୍ ଆକ୍ରମଣ କରାଯାଇଥିଲା, ଯେଉଁଥିରେ ଆଣ୍ଡାମାନ ଓ ନିକୋବର କମାଣ୍ଡ ସହାୟତା କରିଥିଲେ।
ସେନା ପକ୍ଷରୁ କୁହାଯାଇଛି ଯେ, କ୍ଷେପଣାସ୍ତ୍ରଟି ସଠିକ୍ ଭାବରେ ଲକ୍ଷ୍ୟଭେଦ କରିଥିଲା ଏବଂ ଏହାର ନିୟନ୍ତ୍ରଣ ବ୍ୟବସ୍ଥା ସମ୍ପୂର୍ଣ୍ଣ ରୂପେ ଠିକ୍ ଥିବା ପ୍ରମାଣିତ ହୋଇଛି। ଏହି ପରୀକ୍ଷଣ ସମସ୍ତ ଲକ୍ଷ୍ୟ ପୂରଣ କରିଛି ଏବଂ ବ୍ରହ୍ମୋସ୍ ୟୁନିଟ୍ଗୁଡ଼ିକ ପ୍ରକୃତ ସମୟର ମିଶନ୍ ପାଇଁ ସମ୍ପୂର୍ଣ୍ଣ ପ୍ରସ୍ତୁତ ଥିବା ଦର୍ଶାଇଛି।
ଦକ୍ଷିଣ କମାଣ୍ଡ ମୁଖ୍ୟ ଲେଫ୍ଟନାଣ୍ଟ ଜେନେରାଲ୍ ଧୀରଜ ସେଠ୍ ଏହି ସଫଳ ଉତକ୍ଷେପଣକୁ ପ୍ରଶଂସା କରିଛନ୍ତି। ସେ ଏହାକୁ ସେନାର ଦୂରଗାମୀ ଆକ୍ରମଣ କ୍ଷମତାକୁ ମଜବୁତ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି କହିଛନ୍ତି।
ସେନା ଏହା ମଧ୍ୟ ସ୍ପଷ୍ଟ କରିଛି ଯେ ଏହି ପରୀକ୍ଷଣ ଦେଶର ସ୍ୱଦେଶୀ କ୍ଷେପଣାସ୍ତ୍ର ପ୍ରଣାଳୀର ନିର୍ଭରଯୋଗ୍ୟତାକୁ ଆହୁରି ମଜବୁତ କରିଛି। ଏହା ‘ଆତ୍ମନିର୍ଭର ଭାରତ’ ଅଭିଯାନ ଅଧୀନରେ ପ୍ରତିରକ୍ଷା କ୍ଷେତ୍ରରେ ଭାରତର ଆତ୍ମନିର୍ଭରଶୀଳତା ଏବଂ ଭବିଷ୍ୟତ କାର୍ଯ୍ୟକ୍ଷେତ୍ର ପାଇଁ ସେନାର ଅପ୍ରତିଦ୍ୱନ୍ଦ୍ୱୀ ପ୍ରସ୍ତୁତିର ଶକ୍ତିଶାଳୀ ପ୍ରମାଣ ବୋଲି କୁହାଯାଇଛି।
BrahMos – Combat Launch
The #IndianArmy’s #BrahMos roared across the Bay of Bengal in a combat launch, showcasing unmatched precision, speed and destructive prowess. The missile hit it’s designated target with pinpoint accuracy, reaffirming India’s ability to deliver decisive… pic.twitter.com/DSO0OL4krV
— Southern Command INDIAN ARMY (@IaSouthern) December 1, 2025
