ନୂଆଦିଲ୍ଲୀ,୨୪।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ସୋସିଆଲ ମିଡିଆ ଏକ୍ସ’ରେ ତାଙ୍କର ପ୍ରଥମ ନିର୍ବାଚନ ପ୍ରଚାରର ଏକ ପୁରୁଣା ଭିଡିଓ ସେୟାର କରିଛନ୍ତି। ଏଥିରେ ସେ କହିଛନ୍ତି ଯେ ରାଜକୋଟ ମୋ ହୃଦୟରେ ସର୍ବଦା ଏକ ସ୍ୱତନ୍ତ୍ର ସ୍ଥାନରେ ରହିବ। ୨୦୦୨ ରେ ଏହି ଦିନ, ନରେନ୍ଦ୍ର ମୋଦୀ ରାଜକୋଟରୁ ପ୍ରଥମ ନିର୍ବାଚନରେ ବିଜୟୀ ହୋଇ ଗୁଜରାଟ ବିଧାନସଭାର ସଦସ୍ୟ ହୋଇଥିଲେ।
ଅକ୍ଟୋବର ୨୦୦୧ ରେ ନରେନ୍ଦ୍ର ମୋଦି ଗୁଜୁରାଟର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ ଏବଂ ଏହି ପଦରେ ରହିବାକୁ ତାଙ୍କୁ ୬ ମାସ ମଧ୍ୟରେ ବିଧାନସଭା ସଦସ୍ୟ ହେବା ଆବଶ୍ୟକ ଥିଲା। ରାଜକୋଟରେ ଅନୁଷ୍ଠିତ ଉପ-ନିର୍ବାଚନରେ ସେ ଏହି ବିଜୟ ହାସଲ କରିଥିଲେ।
ପ୍ରଧାନମନ୍ତ୍ରୀ କହିଛନ୍ତି, “ରାଜକୋଟ ମୋ ହୃଦୟରେ ସର୍ବଦା ଏକ ସ୍ୱତନ୍ତ୍ର ସ୍ଥାନ ପାଇବ। ଏହି ସହରର ଲୋକମାନେ ହିଁ ମୋତେ ବିଶ୍ୱାସ କରୁଥିଲେ ଏବଂ ମୋତେ ମୋର ପ୍ରଥମ ନିର୍ବାଚନରେ ବିଜୟ ଦେଇଥିଲେ। ସେବେଠାରୁ ମୁଁ ସର୍ବଦା ଲୋକମାନଙ୍କୁ ଭଲ ପାଉଥିବି। ମୁ ସର୍ବଦାଜନତାଙ୍କ ଆଶା ଆକାଂକ୍ଷା ପୁର୍ଣ କରିବାକୁ କାମ କରିଛି।
ସେ ଏହା ମଧ୍ୟ କହିଛନ୍ତି ଯେ ଏହା ଏକ ‘ଆନନ୍ଦଦାୟକ ଘଟଣା’ ଯେ ସେ ଦୁଇ ଦିନ ଏବେ ଗୁଜୁରାଟରେ ଅଛନ୍ତି, ଏହି ସମୟରେ ତାଙ୍କର ରାଜକୋଟରେ ମଧ୍ୟ ଏକ କାର୍ଯ୍ୟକ୍ରମ ହେବ। ପ୍ରଧାନମନ୍ତ୍ରୀ କହିଛନ୍ତି ଯେ ଏଠାରୁ ଦେଶ ପାଇଁ ପାଞ୍ଚଟି ଏମ୍ସ ଲୋକାର୍ପଣ କରାଯିବ।
