ଭୁବନେଶ୍ୱର,୩୧।୧: ବେଦାନ୍ତ ଆଲୁମିନିୟମର ଓଡ଼ିଶା ୟୁନିଟ୍ ପକ୍ଷରୁ ନିକଟରେ ଆୟୋଜିତ ବାର୍ଷିକ ଖଣି ସୁରକ୍ଷା ପକ୍ଷ ମଙ୍ଗଳବାର ବିଧିବଦ୍ଧ ଭାବେ ଉଦ୍ଯାପିତ ହୋଇଯାଇଛି। ଏପରିକି ଓଡ଼ିଶାର ଜାମକାନିଠାରେ ଚାଲିଥିବା କମ୍ପାନୀର ବାର୍ଷିକ ସୁରକ୍ଷା ପକ୍ଷ କାର୍ଯ୍ୟକ୍ରମରେ ନିରାପତ୍ତାକୁ ଗୁରୁତ୍ୱ ଦେଇ କମ୍ପାନୀ ନିଜର ପ୍ରତିବଦ୍ଧତାକୁ ଦୋହରାଇଛି। ବିଶେଷକରି ଖଣି ମହାନିର୍ଦ୍ଦେଶାଳୟର ନିର୍ଦ୍ଦେଶାବଳୀ ସହ ୪୦୦ରୁ ଅଧିକ କର୍ମଚାରୀ ଓ ବ୍ୟବସାୟିକ ସହଭାଗୀମାନେ ଉକ୍ତ କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ। ଏ ସମ୍ପର୍କରେ ବେଦାନ୍ତ ଆଲୁମିନିୟମର ସିଇଓ (ମାଇନ୍ସ) ଭି. ଶ୍ରୀକାନ୍ତ କହିଥିଲେ, ସୁରକ୍ଷା କମ୍ପାନୀର ପ୍ରାଥମିକତା ହୋଇଥିଲାବେଳେ ଆମେ ତାହାକୁ ଆମ କାର୍ଯ୍ୟରେ ନିଶ୍ଚିତ କରିଥାଉ। ଏପରିକି ବିସ୍ତୃତ ସୁରକ୍ଷା ତାଲିମ ଓ ଅତ୍ୟାଧୁନିକ ସୁରକ୍ଷା ସମାଧାନ ନିୟୋଜନ ମାଧ୍ୟମରେ ଆମେ ନିଜର କାର୍ଯ୍ୟକ୍ଷେତ୍ରରେ ଜିରୋ ହର୍ମ ପରିବେଶ ପ୍ରତିପୋଷଣ କରିବାକୁ ପ୍ରତିବଦ୍ଧ । ସେହିଭଳି ମହାନଦୀ କୋଲ୍ଫିଲ୍ଡ ଲିମିଟେଡ୍ର ଚିଫ୍ ମ୍ୟାନେଜର ସେଫ୍ଟି ଆଣ୍ଡ ଆଇଏସ୍ଓ ଅବଜର୍ଭର ତାପସ କୁମାର ମହାନ୍ତି କହିଥିଲେ, ଏହି ପାକ୍ଷିକ ସୁରକ୍ଷା କାର୍ଯ୍ୟକ୍ରମକୁ ସଫଳତାର ସହ ଆୟୋଜନ କରିଥିବାରୁ ମୁଁ ବେଦାନ୍ତ ଆଲୁମିନିୟମର ମାଇନ୍ସ ଦଳକୁ ଧନ୍ୟବାଦ ଜଣାଉଛି। ଏପରିକି କମ୍ପାନୀର ସୁରକ୍ଷା ନୀତି ଚମତ୍କାର ହୋଇଥିବାବେଳେ ଏହା କମ୍ପାନୀର ଉତ୍କର୍ଷକୁ ବୃଦ୍ଧି କରୁଛି। ଏହି ସଫଳତା କେବଳ ସାଂଗଠନିକ ଉତ୍କର୍ଷକୁ ପ୍ରତିଫଳିତ କରେ ନାହିଁ ବରଂ କାର୍ଯ୍ୟର ପ୍ରତ୍ୟେକ ଦିଗରେ ନିରାପତ୍ତାକୁ ପ୍ରାଧାନ୍ୟ ଦେବା ପାଇଁ ସଂଗଠନର ନିରନ୍ତର ଉତ୍ସର୍ଗକୁ ମଧ୍ୟ ପ୍ରତିଫଳିତ କରୁଛି। ସେହିପରି ଉକ୍ତ କାର୍ଯ୍ୟକ୍ରମର ଶୁଭାରମ୍ଭ କରାଯାଇ ଅନେକ କାର୍ଯ୍ୟକ୍ରମ ଆୟୋଜିତ ହୋଇଥିଲା, ଯେଉଁଥିରେ ଅଂଶଗ୍ରହଣକାରୀମାନେ ବିଭିନ୍ନ ବିଷୟ ଉପରେ ଆଲୋଚନା କରିଥିଲେ। ସମସ୍ତଙ୍କ ପାଇଁ ଏକ ନିରାପଦ କାର୍ଯ୍ୟ ପରିସର ସୃଷ୍ଟି ସୁନିଶ୍ଚିତ କରିବା ଉପରେ ଗୁରୁତ୍ୱାରୋପ କରାଯାଇଥିଲା। ଏପରିକି କୋଲ୍ ଇଣ୍ଡିଆ ଲିମିଟେଡ୍ ଅଧୀନରେ ଥିବା ବା କୋଲ୍ ଇଣ୍ଡିଆର ମହାନଦୀ କୋଲ୍ ଲିମିଟେଡ୍, ଇବ୍ ଭ୍ୟାଲିଙ୍କ ଦ୍ୱାରା କମ୍ପାନୀର ବାହ୍ୟ ନିରାପତ୍ତା ଯାଞ୍ଚ ମଧ୍ୟ କରାଯାଇଥିଲା। ଏପରିକି ବେଦାନ୍ତ ପକ୍ଷରୁ ଯୋଗଦେଇଥିବା ସଂପୃକ୍ତ କର୍ମଚାରୀ ସେମାନଙ୍କ ନିଜ ନିଜ ବିଭାଗରେ ସୁରକ୍ଷା ନିୟମକୁ ଠିକ୍ ଅନୁପାଳନ ଉପରେ ସଚେତନ ହୋଇଥିଲେ।
