ଭୁବନେଶ୍ୱର,୧୨ା୭(ଅଭୟ ଦାଶ): ଦେଶର ପ୍ରମୁଖ ଘରୋଇ ସଂସ୍ଥା ତଥା ସର୍ବବୃହତ୍ ଆଲୁମିନିୟମ ଉତ୍ପାଦକ ‘ବେଦାନ୍ତ ଆଲୁମିନିୟମ’ର କାର୍ଯ୍ୟ ପରିସରରେ ବୈଦ୍ୟୁତିକ ଫର୍କଲିଫ୍ଟ ବ୍ୟବହାରକୁ ସମ୍ପ୍ରସାରଣ ସହ ୬୬ ୟୁନିଟ୍କୁ ବୃଦ୍ଧି କରାଯାଇଛି। ଏପରିକି ବୈଦ୍ୟୁତିକ ଲିଥିୟମ-ଆୟନ ଫର୍କଲିଫ୍ଟକୁ କମ୍ପାନୀର ବିଭିନ୍ନ ୟୁନିଟ୍ରେ କାର୍ଯ୍ୟକ୍ଷମ କରାଇବା ସହ ଭାରତରେ ଫର୍କଲିଫ୍ଟର ସର୍ବବୃହତ୍ ନିୟୋଜକ ଭାବେ ମଧ୍ୟ ନିଜର ସ୍ଥିତିକୁ ସୁଦୃଢ଼ କରିଛି। ସେହିଭଳି ସଫଳତାର ସହିତ କମ୍ପାନୀ ଅତିରିକ୍ତ ୨୨ଟି ବୈଦ୍ୟୁତିକ ଫର୍କଲିଫ୍ଟକୁ ଓଡ଼ିଶାର ଝାରସୁଗୁଡ଼ାଠାରେ ଥିବା କମ୍ପାନୀର ସ୍ମେଲଟର କାର୍ଯ୍ୟ ପରିସରରେ ନିୟୋଜିତ କରିଛି। ଏହି ସମ୍ପ୍ରସାରଣ ବେଦାନ୍ତ ଆଲୁମିନିୟମର ଡିକାର୍ବୋନାଇଜେଶନ ଯାତ୍ରାକୁ ମଧ୍ୟ ଏହା ବେଶ୍ ସୁଦୃଢ଼ କରିଛି।
ଏ ସମ୍ପର୍କରେ ବେଦାନ୍ତ ଆଲୁମିନିୟମର ସିଇଓ ଜନ୍ ସ୍ଲାଭେନ୍ କହିଛନ୍ତି, ବେଦାନ୍ତ ଆଲୁମିନିୟମରେ ସ୍ଥିରତା ବ୍ୟବସାୟ ଜରୁରୀ ହୋଇଥିଲାବେଳେ ଉତ୍କର୍ଷ ବୃଦ୍ଧି ପାଇଁ ଆମେ କ୍ରମାଗତ ଭାବେ ଅଭିନବ ଅଭ୍ୟାସ ଗ୍ରହଣ କରିଥାଉ। ସେହିପରି ବେଦାନ୍ତ ଆଲୁମିନିୟମର ଝାରସୁଗୁଡା ୟୁନିଟ୍ ସମେତ ଲାଞ୍ଜିଗଡ଼ ୟୁନିଟ୍ରେ ମଧ୍ୟ ନୂଆ ଫର୍କଲିଫ୍ଟଗୁଡ଼ିକୁ ନିୟୋଜିତ କରାଯାଇଛି। ଏପରିକି କମ୍ପାନୀର ଛତିଶଗଡସ୍ଥିତ ବାଲ୍କୋ ସ୍ମେଲଟର ପ୍ଲାଣ୍ଟରେ ମଧ୍ୟ ଏହି ଫର୍କଲିଫ୍ଟଗୁଡ଼ିକ ଶୀଘ୍ର ଏବଂ ନିରାପଦ ଭାବେ ନିୟୋଜିତ କରାଯିବ ବୋଲି କମ୍ପାନୀ ପକ୍ଷରୁ ବିସ୍ତୃତ ଭାବେ ସୂଚନା ଦିଆଯାଇଛି।
