ଭାରତୀୟ କ୍ରିକେଟର ବରୁଣ ଚକ୍ରବର୍ତ୍ତୀ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ସେ ଗର୍ଲଫ୍ରେଣ୍ଡ ନେହା ଖେଡେକରଙ୍କୁ ବିବାହ କରିଛନ୍ତି। କୋଲକାତା ନାଇଟ ରାଇଡର୍ସ ପକ୍ଷରୁ ଆଇପିଏଲ ଖେଳୁଥିବା ବରୁଣଙ୍କ ଏକ ଭିଡିଓ ଏବେ ଭାଇରାଲ ହୋଇଛି। ରିସେପ୍ସନ ସମୟରେ ବରୁଣ ତାଙ୍କ ସ୍ତ୍ରୀଙ୍କ ସହ କ୍ରିକେଟ ଖେଳୁଥିବା ଦେଖିବାକୁ ମିଳିଛି। ସେ ତାଙ୍କ ସ୍ତ୍ରୀଙ୍କୁ ବୋଲିଂ କରୁଥିବା ଦେଖିବାକୁ ମିଳିଛି। ବରୁଣଙ୍କୁ ଶାହରୁଖ ଖାନଙ୍କ ମାଲିକାନା ଦଳ କେକେଆର ଆଇପିଏଲର ୧୩ ତମ ସିଜନ ପାଇଁ ବହୁ ଅର୍ଥରେ କିଣିଥିଲା। ତାଙ୍କ ଫ୍ରାଞ୍ଚାଇଜ୍କୁ ନିରାଶ କରି ନ ଥିଲେ ବରୁଣ। ୬.୮୪ ଇକୋନୋମିରେ ସହିତ ଏହି ଆଇପିଏଲ ସିଜନରେ ମୋଟ ୧୭ ଉଇକେଟ ନେଇଥିଲେ। ଆଇପିଏଲର ଚମତ୍କାର ପ୍ରଦର୍ଶନ ଯୋଗୁ ସେ ଅଷ୍ଟ୍ରେଲିଆ ବିପକ୍ଷରେ ଭାରତର ଟି -୨୦ ଦଳରେ ସୁଯୋଗ ପାଇଥିଲେ। ତେବେ ଆହତ କାରଣରୁ ସେ ଦଳରୁ ଓହରି ଯାଇଥିଲେ ଏବଂ ଟି ନଟାରାଜନ ତାଙ୍କ ସ୍ଥାନରେ ଦଳରେ ସାମିଲ ହୋଇଥିଲେ।
