ଏବେ ଚାଲିଛି ଭ୍ୟାଲେଣ୍ଟାଇନ୍ ସପ୍ତାହ। ଏହା ପ୍ରେମର ସପ୍ତାହ ହୋଇଥିବାରୁ ସମସ୍ତେ ନିଜ ପାର୍ଟନରଙ୍କ ସହ ସମୟ ବିତାଉଛନ୍ତି, ଉପହାର ଦେଉଛନ୍ତି। ହେଲେ କିଛି ଏମିତି ଥାନ୍ତି ଯାହାଙ୍କ ଜୀବନରେ ପ୍ରେମକୁ ନେଇ ଏକ ଅଭାବୀପଣ ଥାଏ। ଯଦି ଆପଣ ଭ୍ୟାଲେଣ୍ଟାଇନ୍ ସପ୍ତାହରେ ଏକାକି ଅଛନ୍ତି ତେବେ ଏହି ଖବରଟି ଆପଣଙ୍କ ପାଇଁ ବହୁତ ଖାସ୍। କାରଣ ଏବେ ଆପଣ ଭଡ଼ାରେ ପାର୍ଟନର ରଖିପାରିବେ।
ଯୁବକମାନେ କିଛି ଟଙ୍କା ଦେଇ ଭଡ଼ାରେ ପ୍ରେମିକା ଆଣିପାରବେ। ସେହିଭଳି ଯୁବତୀମାନେ କିଛି ଟଙ୍କା ଦେଇ ନିଜ ପାଇଁ ପ୍ରେମିକ ଆଣିପାରିବେ। ବିନା କୌଣସି ଚୁକ୍ତିନାମାରେ ଆପଣଙ୍କୁ ପ୍ରେମିକା-ପ୍ରେମିକ ମିଳିଯିବେ। ଆସନ୍ତୁ ଜାଣିବା ଏଭଳି କେଉଁଠାରେ ହେଉଛ। ଆମର ପଡ଼ୋଶୀ ଦେଶ ଚାଇନା, ଜାପାନ, ଭିଏତନାମରେ ଏହ ସୁବିଧା ପାର୍ଟନର ନ ଥିବା ଲୋକଙ୍କୁ ମିଳିପାରେ।
୨୦୧୮ରୁ ଚାଇନାରେ ପ୍ରେମିକା-ପ୍ରେମିକ ଭଡ଼ାରେ ରଖିବା ପରମ୍ପରା ଚାଲି ଆସୁଛି। ସେତେବେଳେ ୨୦ ମିନିଟ୍ ସେବା ଲାଗି ଲୋକଙ୍କୁ ୧୦ ହଜାର ଖର୍ଚ୍ଚ କରିବାକୁ ପଡ଼ୁଥିଲା। ବିଶେଷକରି ଶପିଂ ମଲ୍ରେ ଏହି ସେବା ଦିଆଯାଉଥିଲା। ୧୦ ଟଙ୍କାରେ ପ୍ରେମିକାଙ୍କୁ ନିଜ ସହ ନେଇପାରିବ, ତାଙ୍କ ସହ ଦୂରରୁ କଥା ହୋଇପାରିବ ବୋଲି ନିୟମ ରହିଥିଲା।
ହେଲେ ଏବେ ସବୁକିଛି ବଦଳିଛି। ପ୍ରେମିକାଙ୍କ ସହ ଖାଇବା-ପିଇବା, ବୁଲିବାକୁ ଯିବା ଆଦି କରିପାରିବେ। ଯେଉଁଭଳି ପ୍ୟାକେଜ୍ ଆପଣ ନେବେ ତଦନୁଯାୟୀ ସେବା ନେବା ପରେ ତାଙ୍କୁ ଛାଡ଼ିପାରିବେ।
