ନୂଆଦିଲ୍ଲୀ,୯।୪: ଆଇପିଏଲ୍ ୨୦୨୬ର ସବୁଠାରୁ କନିଷ୍ଠ ଖେଳାଳି ବୈଭବ ସୂର୍ଯ୍ୟବଂଶୀ ଏବେ କ୍ରିକେଟ ଦୁନିଆରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି। ନିକଟରେ ରାଜସ୍ଥାନ ରୟାଲ୍ସ ଦ୍ୱାରା ଶେୟାର କରାଯାଇଥିବା ଏକ ଭିଡିଓରେ ବୈଭବ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (RCB) ର ୱିକେଟକିପର-ବ୍ୟାଟର ଜିତେଶ ଶର୍ମାଙ୍କ ମଧ୍ୟରେ ଏକ ମଜାଦାର କଥାବାର୍ତ୍ତା ଦେଖିବାକୁ ମିଳିଛି।
ଭିଡିଓରେ ଦେଖିବାକୁ ମିଳିଛି ଯେ, ଜିତେଶ ଶର୍ମା ପ୍ରଥମେ ବୈଭବଙ୍କୁ କୁଣ୍ଢାଇ ପକାଉଛନ୍ତି ଏବଂ ପରେ ତାଙ୍କ ବ୍ୟାଟ୍କୁ ନିଜ ହାତକୁ ନେଉଛନ୍ତି। ଏଥିରେ ବୈଭବ ମଜାକିଆ ଢଙ୍ଗରେ କହୁଛନ୍ତି, “ଆରେ ଭାଇ, ଆପଣ କାହିଁକି ଏମିତି କରୁଛନ୍ତି? ଆପଣଙ୍କ ଟିମ୍ରେ ଏତେ ବଡ଼ ବଡ଼ ବ୍ୟାଟର ଅଛନ୍ତି, ସେମାନଙ୍କ ଠାରୁ କାହିଁକି ନେଉନାହାନ୍ତି?”
ଏହାର ଉତ୍ତରରେ ଜିତେଶ ହସି ହସି କହୁଛନ୍ତି, “ମୁଁ ସେମାନଙ୍କୁ କାହିଁକି ମାଗିବି ୟାର୍?” ଶେଷରେ ବୈଭବ କହିଛନ୍ତି ଯେ, ସେ ଆଇପିଏଲ୍ ସରିବା ପରେ ଜିତେଶଙ୍କୁ ନିଜର ବ୍ୟାଟ୍ ଉପହାର ଦେବେ। ତେବେ ବୈଭବ ସାଧାରଣତଃ କାହା ସହିତ ନିଜର ବ୍ୟାଟ୍ ସେୟାର କରନ୍ତି ନାହିଁ, କିନ୍ତୁ ଜିତେଶଙ୍କ ଜିଦ୍ ଆଗରେ ସେ ହାର ମାନିଛନ୍ତି।
🚨 First time ever: Vaibhav offers to give his bat! 😂🔥 pic.twitter.com/y5pBnpEri3
— Rajasthan Royals (@rajasthanroyals) April 9, 2026
ଆଇପିଏଲ୍ରେ ବୈଭବଙ୍କ ଧମାକା:
୧୫ ବର୍ଷୀୟ ବୈଭବ ଚଳିତ ସିଜନରେ ମାତ୍ର ୩ଟି ମ୍ୟାଚ୍ରୁ ୧୨୨ ରନ୍ ସଂଗ୍ରହ କରିସାରିଲେଣି।
ଚେନ୍ନାଇ ବିରୋଧରେ: ୫୨ ରନ୍
ଗୁଜରାଟ ବିରୋଧରେ: ୩୧ ରନ୍
ମୁମ୍ବାଇ ବିରୋଧରେ: ୩୯ ରନ୍ (ଜସପ୍ରୀତ ବୁମରାଙ୍କ ଓଭରରେ ୨ଟି ବିଶାଳ ଛକ୍କା ସାମିଲ)
ବର୍ତ୍ତମାନ ଆରସିବି ବିରୋଧରେ ହେବାକୁ ଥିବା ମ୍ୟାଚ୍ ପୂର୍ବରୁ ଏହି ଦୁଇ ଖେଳାଳିଙ୍କ ମଧ୍ୟରେ ଥିବା ବନ୍ଧୁତା ପ୍ରଶଂସକଙ୍କୁ ବେଶ୍ ପସନ୍ଦ ଆସୁଛି।
