ନୂଆଦିଲ୍ଲୀ,୯।୪: ଦେଶରେ କରୋନା ମହାମାରୀର ଦ୍ୱିତୀୟ ଲହର ସଂକ୍ରମଣର ଆଶଙ୍କା ବଢାଇବାରେ ଲାଗିଛି। ଏଭଳି ପରିସ୍ଥିତିରେ ଟିକାକରଣ କାର୍ଯ୍ୟ ଜୋରସୋରରେ ଚାଲିଛି। ଅନେକ ଦେଶରେ ସରକାରୀ ଏବଂ ବେସରକାରୀ କମ୍ପାନୀଗୁଡିକ ଟିକାକରଣ ପାଇଁ ଲୋକଙ୍କୁ ଉତ୍ସାହିତ କରିବାକୁ ବିଭିନ୍ନ ଆକର୍ଷଣୀୟ ଅଫର ପ୍ରଦାନ କରୁଛନ୍ତି। ରେଷ୍ଟୁରାଣ୍ଟ ଗୁଡିକରେ ମାଗଣା ଖାଦ୍ୟ ଠାରୁ ଆରମ୍ଭ କରି ବିୟର ପାର୍ଲରରେ ମାଗଣା ବିୟର ଏବଂ ବାରରେ ଶସ୍ତା ମଦ ପର୍ଯ୍ୟନ୍ତ ଅଫର୍ ଅନ୍ତର୍ଭୁକ୍ତ। ଲୋକପ୍ରିୟ କ୍ୟାବ ସେବା କମ୍ପାନୀ ଉବର ଏକ ବଡ ଘୋଷଣା କରିଛି। ଦିଲ୍ଲୀରେ ୧.୫ କୋଟି ଟଙ୍କା ପର୍ଯ୍ୟନ୍ତ ମାଗଣା ଯାତ୍ରା ଘୋଷଣା କରିଛି କମ୍ପାନୀ। ଏହା ସହିତ ଲୋକମାନେ ଟିକାକରଣ ପାଇଁ ମାଗଣାରେ କ୍ୟାବରେ ଯିବା ଆସିବା କରିପାରିବେ। ଆମେରିକାର ଓହିଓର ମାର୍କେଟ ଗାର୍ଡେନ ବ୍ରୁରି ପ୍ରଥମ ଟିକା ଲଗାଉଥିବା ଲୋକଙ୍କୁ ପାଞ୍ଚଥର ମାଗଣାରେ ବିୟର ପିଇବାକୁ ଅଫର୍ ଦେଇଛି। ସେହିପରି ଚାଇନାରେ ସରକାର ଏବଂ କମ୍ପାନୀମାନେ ଟିକା ନେବାକୁ ଉତ୍ସାହିତ ପାଇଁ ଅନେକ ପ୍ରକାରର ଅଫର ଦେଉଛନ୍ତି। ଏଥି ସହିତ ହେନାନ ପ୍ରଦେଶର ଏକ ସହରରେ ସ୍ଥାନୀୟ ସରକାର କର୍ମଚାରୀଙ୍କୁ ଚାକିରିରୁ ବାହାର କରିଦେବାକୁ ଚେତାବନୀ ଦେଇଛନ୍ତି।
