ନୂଆଦିଲ୍ଲୀ,୨୦।୩: ଭୋଟ ଦେବା ସମସ୍ତ ଭାରତୀୟ ନାଗରିକଙ୍କ ଅଧିକାର। ୧୮ ବର୍ଷ ନଚେତ ତା’ଠାରୁ ଅଧିକ ବୟସର ନାଗରିକ ଦେଶରେ ଭୋଟ୍ ଦେବାର ଅଧିକାର ରହିଛି। ତେବେ ଭୋଟ ଦେବା ଲାଗି ଭୋଟର ଆଇଡି କାର୍ଡର ଆବଶ୍ୟକତା ପଡ଼ିଥାଏ। ଦେଶରେ ସାଧାରଣ ନିର୍ବାଚନ ଲାଗି ଘୋଷଣା ହୋଇଛି। ସାରା ଦେଶର ଲୋକ ନିର୍ବାଚିତ ପ୍ରତିନିଧି ବାଛିବେ। ଯଦି ଆପଣଙ୍କ ପାଖରେ ଭୋଟ ଦେବା ଲାଗି ଭୋଟର୍ ଆଇଡି କାର୍ଡ ନାହିଁ, ତେବେ ଅନଲାଇନ୍ ନଚେତ ଅଫଲାଇନ୍ରେ ଆବେଦନ କରିପାରିବେ।
ପ୍ରତ୍ୟେକ ଭାରତୀୟ ଭୋଟରଙ୍କୁ ଭାରତୀୟ ନିର୍ବାଚନ ଆୟୋଗ ତରଫରୁ ଏକ ବିଶେଷ ଆଇଡି ନମ୍ବର ମିଳିଥାଏ। ଏହାକୁ ଭୋଟର ଆଇଡି କାର୍ଡ କୁହାଯାଏ। ପ୍ରତ୍ୟେକ ଭୋଟର୍ଙ୍କୁ ଏକ ଇପିଆଇସି ନମ୍ବର ମିଳିଥାଏ, ଏହାକୁ ନିର୍ବାଚନୀ ଫଟୋ ପରିଚୟ ପତ୍ର ସଂଖ୍ୟା କୁହାଯାଏ। ଏହି ନମ୍ବର ୧୧ ଅଙ୍କ ବିଶିଷ୍ଟ ହୋଇଥିବା ବେଳେ ପରିଚୟ ପତ୍ର ସମ୍ମୁଖରେ ରହିଥାଏ। ନିର୍ବାଚନରେ ଭୋଟ ଦେବାକୁ ଏହାର ଆବଶ୍ୟକତା ପଡ଼ିଥାଏ।
ଭୋଟର ଆଇଡି କାର୍ଡ ଲାଗି ଏଭଳି କରନ୍ତୁ ଆବେଦନ?
ମତଦାନ ସେବା ଲାଗି ଆଧିକାରିକ ଓ୍ବେବସାଇଟ୍କୁ ଯାଆନ୍ତୁ।
-ଫର୍ମ ସେକ୍ସନ ଖୋଜନ୍ତୁ ଏବଂ ଯଦି ଆପଣ ଭାରତରେ ଅଛନ୍ତି ‘ଫର୍ମ ୬’ ପୂରଣ କରନ୍ତୁ। ନଚେତ ଏହାକୁ ଡାଉନଲୋଡ କରନ୍ତୁ। ଯଦି ଆପଣ ଏନ୍ଆର୍ଆଇ ତେବେ ‘ଫର୍ମ ୬ଏ’ ଚୟନ କରନ୍ତୁ।
-ଯଦି ଆପଣ ନୂଆ ତେବେ ଓ୍ବେବ୍ସାଇଟ୍ରେ ସାଇନ୍ ଅପ୍ କରନ୍ତୁ, ଯଦି ଆପଣଙ୍କ ପାଖରେ ପୂର୍ବରୁ ଆକାଉଣ୍ଟ ଅଛି ତେବେ ଲଗ୍ ଇନ୍ କରନ୍ତୁ। ଆପଣ ନିଜର ଫୋନ୍ ନମ୍ବର, ଇମେଲ ଏବଂ ଅନ୍ୟ ବିବରଣୀ ଦିଅନ୍ତୁ।
-ଅନଲାଇନ୍ରେ ଫର୍ମ ପୂରଣ କରନ୍ତୁ ଏବଂ ଜରୁରୀ କାଗଜପତ୍ର ଅପଲୋଡ କରନ୍ତୁ।
-ସବ୍ମିଟ୍ରେ କ୍ଲିକ୍ କରନ୍ତୁ।
-ପରେ ଆପଣଙ୍କୁ ବ୍ୟକ୍ତିଗତ ମତଦାତା ପରିଚୟ ପତ୍ର ପେଜ୍ର ଲିଙ୍କ ସହ ଏକ ଇମେଲ ମିଳିବ। ଏଠାରେ ଆପଣ ନିଜର ଆବେଦନର ସମସ୍ତ ସୂଚନା ପାଇପାରିବେ।
-ଆବେଦନ କରିବାର ଏକ ମାସ ମଧ୍ୟରେ ଆପଣଙ୍କ ଭୋଟର ଆଇଡି କାର୍ଡ ଆସିଯାଇଥାଏ।
ନୂଆ ଭୋଟର ଆଇଡି କାର୍ଡ ପାଇଁ ଆବେଦନ ଏଭଳି କରନ୍ତୁ:
-ଭାରତୀୟ ନିର୍ବାଚନ ଆୟୋଗ ଓ୍ବେବସାଇଟ୍କୁ ଯାଆନ୍ତୁ
-ଭାରତରେ ମତଦାନ ବିଷୟରେ ଅନେକ ସୂଚନା ମିଳିବ।
-ଭିନ୍ନ ଭିନ୍ନ ଜିନିଷ ପାଇଁ ଭିନ୍ନ ଫର୍ମ ଥାଏ। ଏହାଦ୍ୱାରା ଯଦି ଆପଣ ବିଦେଶରେ ରୁହନ୍ତି ତେବେ ନାମ ବଦଳାଇପାରିବେ। ରେଜିଷ୍ଟ୍ରେଶନ ପାଇଁ ଭିନ୍ନ ଫର୍ମ ପୂରଣ କରିବାକୁ ହେବ।
-ନୂଆ ଭୋଟର ଆଇଡି କାର୍ଡ ପାଇଁ ଫର୍ମ ୬ ଚୟନ କରନ୍ତୁ।
-ଯଦି ଆପଣ ଭାରତରେ ରୁହନ୍ତି ତେବେ ଫର୍ମ ୬ ବ୍ୟବହାର କରି ଡାଉନଲୋଡ୍ କରିବା ନଚେତ ଅନଲାଇନ୍ ଆବେଦନ କରିବା ଲାଗି ରାଷ୍ଟ୍ରୀୟ ମତଦାତା ସେବା ପୋର୍ଟାଲକୁ ଯାଆନ୍ତୁ।
