ଓ୍ବାଶିଂଟନ୍,୩୦।୮: ଆମେରିକାର ବୈଦେଶିକ ସଚିବ ଆଣ୍ଟୋନି ବ୍ଲିଙ୍କେନ୍ ୟୁକ୍ରେନ ପାଇଁ ଏକ ନୂତନ ସାମରିକ ସହାୟତା ପ୍ୟାକେଜ୍ ଘୋଷଣା କରିଛନ୍ତି। ବ୍ଲିଙ୍କେନ୍ଙ୍କ ଏକ ବିବୃତ୍ତି ଅନୁଯାୟୀ ଏହି ପ୍ୟାକେଜରେ ଅତିରିକ୍ତ ଲ୍ୟାଣ୍ଡମାଇନ କ୍ଲିଅର୍ ଉପକରଣ, ବାୟୁ ପ୍ରତିରକ୍ଷା ପାଇଁ କ୍ଷେପଣାସ୍ତ୍ର, ଆର୍ଟିଲରି ଏବଂ ହାଇ ବାର୍ ସିଷ୍ଟମ ପାଇଁ ଗୋଳା-ବାରୁଦ ଏବଂ ୩ ମିଲିୟନ ରାଉଣ୍ଡରୁ ଅଧିକ ଛୋଟ ଅସ୍ତ୍ରଶସ୍ତ୍ର ରହିଛି।
ରିପୋର୍ଟ ଅନୁଯାୟୀ, ୱାଗନର୍ ଗ୍ରୁପ ମୁଖ୍ୟ ୟେଭେଗେନି ପ୍ରିଗୋଝିନ୍ଙ୍କ ମୃତ୍ୟୁ ପାଇଁ କ୍ରେମଲିନ ଦାୟୀ ହୋଇପାରେ ବୋଲି ଆମେରିକା ଖୁବ୍ଶୀଘ୍ର ଘୋଷଣା କରିପାରେ ହ୍ବାଇଟ ହାଉସର ପ୍ରେସ ସଚିବ କରୀନ ଜାନ-ପିଆର କହିଛନ୍ତି ଯେ, ବିରୋଧୀଙ୍କୁ ହତ୍ୟା କରିବାର କ୍ରେମଲିନର ଦୀର୍ଘ ଇତିହାସ ରହିଛି।
