ଇସଲାମାବାଦ,୨ ।୩: ଆମେରିକା ବୈଦେଶିକ ବିଭାଗ ପକ୍ଷରୁ ଚେତାବନୀ ଦିଆଯାଇଛି କି ତହରିକ-ଏ-ତାଲିବାନ ପାକିସ୍ତାନ(ଟିଟିପି)ର ଲକ୍ଷ୍ୟ ରହିଛି ପାକିସ୍ତାନ ସରକାରଙ୍କୁ ଖେବର ପଖତୁନଖ୍ୱାରୁ ବାହାର କରିଦେବା । ଏହାସହ ସେନା ଓ ସରକାର ବିରୋଧରେ ଆତଙ୍କବାଦୀ ଅଭିଯାନ କରି ସରିୟା ଆଇନର ସଂସ୍ଥାପନ କରିବା । ପାକିସ୍ତାନ ସ୍ଥିତ ଡନ ଖବରକାଗଜ ଏହି ସୂଚନା ଦେଇଛି ।
ଆତଙ୍କବାଦକୁ ନେଇ ଦେଶର ରିପୋର୍ଟ ୨୦୨୧ ଅନୁଯାୟୀ, ଟିଟିପି ତା’ର ଗୁଣକୁ ପ୍ରଶିକ୍ଷିତ ଓ ସଂଚାଳନ କରିବାକୁ ଆଫଗାନିସ୍ତାନ-ପାକିସ୍ତାନ ସୀମା ସହ ଲାଗିଥିବା କବାୟଲି ଅଞ୍ଚଳକୁ ବ୍ୟବହାର କରୁଛି । ଆମେରିକା ବୈଦେଶିକ ବିଭାଗର ରିପୋର୍ଟ ଅନୁଯାୟୀ, ଟିଟିପି ଅଲ କାଏଦାଠାରୁ ବୈଚାରିକ ମାର୍ଗଦର୍ଶନ ପାଉଛି, ସେମିତି ଅଲକାଏଦାର ଲୋକେ ଆଫଗାନ-ପାକିସ୍ତାନ ସୀମା ସହ ଲାଗିଥିବା ପଶତୁନ ଅଞ୍ଚଳରେ ସୁରକ୍ଷିତ ଆଶ୍ରୟ ପାଇଁ ଟିଟିପି ଉପରେ ଭରସା କରିଛି । ଏହି ବ୍ୟବସ୍ଥା ଟିଟିପିକୁ ଆଲକାଏଦାର ବିଶ୍ୱସ୍ତରୀୟ ଆତଙ୍କବାଦୀ ନେଟୱର୍କ ଓ ଏହାର ସଦସ୍ୟଙ୍କ ପରିଚାଳନା ବିଶେଷଜ୍ଞତା ଉଭୟ ପର୍ଯ୍ୟନ୍ତ ପହଞ୍ଚିପାରିବ ।
