ଲକ୍ଷ୍ନୌ,୧୧।୩: ଉତ୍ତରପ୍ରଦେଶ ବିଧାନସଭା ନିର୍ବାଚନ ୨୦୨୨ରେ ଭାରତୀୟ ଜନତା ପାର୍ଟି ନିଜର ପ୍ରାଧାନ୍ୟ ବଜାୟ ରଖିବାରେ ସଫଳ ହୋଇଛି। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନେତୃତ୍ୱରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରି ଭାଜପା ଲଗାତାର ଦ୍ୱିତୀୟ ଥର ବିଜୟ ହାସଲ କରି ଇତିହାସ ସୃଷ୍ଟି କରିଛି। ନିର୍ବାଚନ ଫଳାଫଳ ପରେ ସମାଜବାଦୀ ପାର୍ଟି ସୁପ୍ରିମୋ ମୁଲାୟମ ସିଂ ଯାଦବଙ୍କ ପରିବାରରେ କେଉଁଠି ଆନନ୍ଦ ତ ଆଉ କେଉଁଠି ଦୁଃଖର ମାହୋଲ ରହିଛି। ମୁଲାୟମ ସିଂ ଯାଦବଙ୍କ ସାନ ବୋହୂ ଅପର୍ଣ୍ଣା ଯାଦବଙ୍କ ଘରେ ଭାଜପାର ବିଜୟ ଉତ୍ସବ ପାଳନ କରାଯାଉଛି। ଅପର୍ଣ୍ଣା ତାଙ୍କ ଝିଅଙ୍କ ସହ ଯୋଗୀ ଆଦିତ୍ୟନାଥଙ୍କୁ ଭେଟିବାକୁ ଆସି ତାଙ୍କୁ ବିଜୟ ପାଇଁ ଅଭିନନ୍ଦନ ଜଣାଇଛନ୍ତି। ଅପର୍ଣ୍ଣାଙ୍କ କୁନି ଝିଅ ତଥା ମୂଲାୟମଙ୍କ ନାତୁଣୀ ଯୋଗୀଙ୍କ ମୁଣ୍ଡରେ ତିଳକ ଲଗାଇଥିଲେ। ସୂଚନାଯୋଗ୍ୟ, ୟୁପି ନିର୍ବାଚନ ପୂର୍ବରୁ ଅପର୍ଣ୍ଣ ଭାଜପାରେ ଯୋଗ ଦେଇଥିଲେ।
https://twitter.com/aparnabisht7/status/1501939664965758979
