ମହଙ୍ଗା ପାନ। ପାନର ମୂଲ୍ୟରେ ଜଣେ ବ୍ରାଣ୍ଡେଡ ଜୋତା ଏବଂ ଚଷମା କିଣାଯାଇପାରିରେ। ଏହି ସ୍ବତନ୍ତ୍ର ପାନର ନାମ ହେଉଛି ସୁନା ପାନ, ଯାହାର ମୂଲ୍ୟ ୯୯୯ ଟଙ୍କା। ଏହି ବିଶେଷ ପ୍ରକାରର ପାନ ଭିତରେ ରୂପା ଏବଂ ବାହାରେ ସୁନା ଅଛି। ଲକ୍ଷୌରେ ଏହି ପାନ ବିକ୍ରି ହେଉଛି। ମାଷ୍ଟର ସଞ୍ଜୟ କୁମାର ଚୌରାସିଆ ଏହି ପାନ ଦୋକାନ କରିଛନ୍ତି। କରୋନା ଅବଧିରେ ତାଙ୍କର କ୍ୟାଟରିଂ ବ୍ୟବସାୟ ବନ୍ଦ ହେବା ପରେ ସେ କିଛି ନୂଆ ପରୀକ୍ଷଣ କରିବାକୁ ଚିନ୍ତା କଲେ ଏବଂ ସୁନା ପାନ ତିଆରି କଲେ।
ଏହି ପାନ ତିଆରି କରିବାକୁ ଅଧ ଘଣ୍ଟା ଲାଗେ। ପାନ ଉପରେ ୨୪ କ୍ୟାରେଟ ସୁନା ସ୍ତର ରହିଛି।
ସଞ୍ଜୟ କହିଛନ୍ତି, ୨୭ ସେପ୍ଟେମ୍ବର ୨୦୨୨ରେ ସେ ଏଠାରେ ଏହି ଦୋକାନ ଆରମ୍ଭ କରିଥିଲେ। ଲୋକମାନେ ସ୍ବତନ୍ତ୍ର ପାନର ସ୍ବାଦକୁ ପସନ୍ଦ କରୁଛନ୍ତି। ଏହି କାରଣରୁ ପିଲାଠାରୁ ଆରମ୍ଭ କରି ବୟସ୍କମାନେ ଉତ୍ସାହର ସହିତ ଏହି ପାନ ଖାଉଛନ୍ତି। ଏଠାରେ ୫୦ ପ୍ରକାରର ପାନ ମିଳେ। ଚକୋଲେଟ ପାନ, ନବରତ୍ନ ପାନ, ମୋଦକ ପାନ, ମିଠା ପାନ, ରୟାଲ ପାନ, ମଲାଇ ପାନ, ରେଡ ଚେରି ପାନ, ହାଇଦ୍ରାବାଦ ପାନ, ଗୁଲାବ ପାନ, ବ୍ଲୁବେରୀ ଭଳି ପାନ ମିଳେ। ଏଠାରେ ସବୁଠାରୁ ଶସ୍ତା ପାନ ହେଉଛି ଅଧା ମିଠା ପାନ। ଏହାର ମୂଲ୍ୟ ୨୦ ଟଙ୍କା।
