ନୂଆଦିଲ୍ଲୀ,୧୫।୧: ରାଜ୍ୟ ସଭା ଏମ୍ପି ତଥା ପୂର୍ବତନ କେନ୍ଦ୍ର ଆଇନ ମନ୍ତ୍ରୀ କପିଲ ସିବଲ ରବିବାର କେନ୍ଦ୍ର ସରକାରଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ସରକାର ନ୍ୟାୟପାଳିକାକୁ କାବୁ କରିବାକୁ ଚେଷ୍ଟା କରୁଛନ୍ତି ବୋଲି ସିବଲ କହିଛନ୍ତି। ସେ କହିଛନ୍ତି, ଏପରି ପରିସ୍ଥିତି ସୃଷ୍ଟି କରିବାକୁ ସରକାର ଯଥାସମ୍ଭବ ଚେଷ୍ଟା କରୁଛନ୍ତି,ଯେଉଁଥିରେ ଜାତୀୟ ନ୍ୟାୟିକ ନିଯୁକ୍ତି ଆୟୋଗ (ଏନ୍ଜେଏସି) ସୁପ୍ରିମକୋର୍ଟରେ ଆଉ ଏକ ରୂପରେଖରେ ଯାଞ୍ଚ କରାଯାଇପାରିବ। ଉପରାଷ୍ଟ୍ରପତି ଜଗଦୀପ ଧନଖର ନିକଟରେ ଦେଇଥିବା ମନ୍ତବ୍ୟ ପରେ ସିବଲଙ୍କ ଏହି ପ୍ରତିକ୍ରିୟା ଆସିଛି।
ଏନ୍ଜେଏସି ରଦ୍ଦ କରିବାକୁ ସୁପ୍ରିମକୋର୍ଟଙ୍କ ନିଷ୍ପତ୍ତିକୁ ଧନଖର ସମାଲୋଚନା କରିଥିଲେ। ଉପରାଷ୍ଟ୍ରପତି ୧୯୭୩ କେଶବାନନ୍ଦ ଭାରତୀ ମାମଲାର ବିଚାର ଉପରେ ମଧ୍ୟ ପ୍ରଶ୍ନ ଉଠାଇ କହିଛନ୍ତି, ଏହା ଏକ ଭୁଲ ଉଦାହରଣ ସୃଷ୍ଟି କରିଛି ଏବଂ ସେ ସୁପ୍ରିମକୋର୍ଟଙ୍କ ରାୟରେ ଅସହମତ ହୋଇପାରିବେ, କାରଣ ସଂସଦ ସମ୍ବିଧାନରେ ସଂଶୋଧନ କରିପାରିବ, କିନ୍ତୁ ମୂଳ ସଂରଚନାରେ ନୁହେଁ।
୨୦୧୫ରେ ସୁପ୍ରିମକୋର୍ଟ ଏନ୍ଜେଏସି ଆକ୍ଟକୁ ଅସାମ୍ବିଧାନିକ ବୋଲି କହିଥିଲେ, ଯାହା ସୁପ୍ରିମକୋର୍ଟ ଏବଂ ହାଇକୋର୍ଟରେ ବିଚାରପତି ନିଯୁକ୍ତି କରିବାର କଲେଜିୟମ ସିଷ୍ଟମକୁ ବଦଳାଇବାକୁ ଲକ୍ଷ୍ୟ ରଖିଥିଲା।
