ନୁୟର୍କ,୬।୧୦: ଜଳବାୟୁ ପରିବର୍ତ୍ତନର ଖରାପ ପ୍ରଭାବ ବିଶ୍ୱରେ ଦୃଶ୍ୟମାନ ହେଉଛି। ପାଶ୍ଚାତ୍ୟ ଦେଶଗୁଡିକରେ ତାପମାତ୍ରା ବୃଦ୍ଧି ଏବଂ ଛୋଟ ଦ୍ୱୀପପୁଞ୍ଜରେ ବନ୍ୟା ହେବାର ଆଶଙ୍କା ସୂଚାଇ ଦେଉଛି ଯେ ମାନବଜାତି ଉପରେ ଜଳବାୟୁ ପରିବର୍ତ୍ତନର ପ୍ରତ୍ୟକ୍ଷ ପ୍ରଭାବ ଦେଖାଯାଉଛି। ଏହି ସମୟରେ ୟୁନିସେଫ୍ ଗୁରୁବାର ସୂଚନା ଦେଇଛି, ଜଳବାୟୁ ପରିବର୍ତ୍ତନ ହେତୁ ବଢୁଥିବା ପ୍ରାକୃତିକ ବିପର୍ଯ୍ୟୟ କାରଣରୁ ୨୦୧୬ରୁ ୨୦୨୧ ମଧ୍ୟରେ ୪.୩ କୋଟି ପିଲା ବିସ୍ଥାପିତ ହୋଇଛନ୍ତି।
ବନ୍ୟା ପ୍ରଭାବିତ ସୁଦାନର ବାସିନ୍ଦା ଖାଲିଦ ଅବଦୁଲ ଅଜିମ କହିଛନ୍ତି ଯେ, ବନ୍ୟାରେ ଆମ ଗାଁ ଜଳମଗ୍ନ ହୋଇଥିବାରୁ ଆମେ ଆମର ସମସ୍ତ ଜିନିଷ ରାସ୍ତାରେ ଛାଡି ଦେଇଛୁ ଏବଂ ଗାଁରେ ପହଞ୍ଚିବା ପାଇଁ ଡଙ୍ଗାର ସାହାଯ୍ୟ ନେଇଥିଲୁ।
ଜଳବାୟୁ ବିପର୍ଯ୍ୟୟ କାରଣରୁ ଆଭ୍ୟନ୍ତରୀଣ ବିସ୍ଥାପନ ପରିସଂଖ୍ୟାନ ସାଧାରଣତଃ ପୀଡିତଙ୍କ ବୟସକୁ ବିଚାରକୁ ନିଆଯାଏ ନାହିଁ। ରିପୋର୍ଟରେ ଦର୍ଶାଯାଇଛି, ୨୦୧୬ରୁ ୨୦୨୧ପର୍ଯ୍ୟନ୍ତ ବନ୍ୟା, ମରୁଡ଼ି ଏବଂ ଜଙ୍ଗଲରେ ଅଗ୍ନିକାଣ୍ଡ ହେତୁ ୪୪ଟି ଦେଶରେ ୪୩ ମିଲିୟନରୁ ଅଧିକ ଶିଶୁ ବିସ୍ଥାପିତ ହୋଇଛନ୍ତି। ବନ୍ୟା ଓ ଝଡ଼ ଯୋଗୁ ୯୫ ପ୍ରତିଶତ ପିଲାଙ୍କୁ ବିସ୍ଥାପିତ ହେବାକୁ ପଡିଛି। ବିସ୍ଥାପନ ସମ୍ବନ୍ଧୀୟ ରିପୋର୍ଟରେ ମଧ୍ୟ ପୂର୍ବାନୁମାନ କରାଯାଇଛି ଯେ, ଆସନ୍ତା ୩୦ ବର୍ଷ ମଧ୍ୟରେ ବନ୍ୟା ହେତୁ ୯.୬ କୋଟିରୁ ଅଧିକ ପିଲା ବିସ୍ଥାପିତ ହୋଇପାରନ୍ତି ଏବଂ ସାଇକ୍ଲୋନିକ ଝଡ ଯୋଗୁ ୧.୩ କୋଟି ପିଲା ସ୍ଥାନାନ୍ତର ହେବାକୁ ବାଧ୍ୟ ହୋଇପାରନ୍ତି।
