ମସ୍କୋ,୨୩ ।୪: ୟୁକ୍ରେନ୍-ରୁଷିଆ ଯୁଦ୍ଧକୁ ୫୮ ଦିନ ହୋଇଥିବା ବେଳେ ଏବେ ରୁଷିଆ ଗୋଟିଏ ପରେ ଗୋଟିଏ ସତ ସ୍ୱୀକାର କରୁଛି । ମିଳିଥିବା ସୂଚନା ମୁତାବକ ଏବେ ରୁଷିଆ ସ୍ୱୀକାର କରିଛି କି ୟୁକ୍ରେନ୍ ଯୁଦ୍ଧରେ ରୁଷିଆର ୧୩,୪୧୪ ସେନାଙ୍କର ମୃତ୍ୟୁ ହୋଇଛି । କ୍ରିମଲିନ ସମର୍ଥକ ମିଡିଆ ରେଡୋକ୍ୱା ଦ୍ୱାରା କରାଯାଇଥିବା ଯୁଇଟ୍ ଅନୁଯାୟୀ, ଆକ୍ରମଣରେ ଏବେବି ୭ ହଜାର ସେନା ନିଖୋଜ ଅଛନ୍ତି । ରୁଷିଆ ପ୍ରତିରକ୍ଷା ମନ୍ତ୍ରଣାଳୟର ଗୋପନୀୟ ବ୍ରିଫିଙ୍ଗରେ ଏହା କୁହାଯାଇଛି, ହେଲେ ରେଡୋକ୍ୱା ପରେ ଏହି ଟୁଇଟକୁ ଡିଲିଟ କରିଦେଇଛି ।
ସୂଚନାଯୋଗ୍ୟ, ଗତ ଫେବୃୟାରୀରୁ ରୁଷିଆ-ୟୁକ୍ରେନ୍ ଯୁଦ୍ଧ ଆରମ୍ଭ ହୋଇଥିବା ବେଳେ ଏବେ ଏହା ଦୁଇମାସ ପୂରଣ ହେବାକୁ ଯାଉଛି । ଏହାରି ଭିତରେ ଉଭୟ ଦେଶ ନାନା କ୍ଷତି ସହିଲେଣି । ଏହାପରେ ବି କେହି ଯୁଦ୍ଧ ବିରାମ କଥା ଚିନ୍ତା କରୁ ନାହାନ୍ତି । ତେଣୁ ପରିସ୍ଥିତି ବେଳକୁ ବେଳ ବିଗିଡିବାରେ ଲାଗିଛି ।
