ଚେନ୍ନାଇ,୫।୯: ତାମିଲନାଡୁର ମନ୍ତ୍ରୀ ଉଦୟନିଧି ଷ୍ଟାଲିନ ସନାତନ ଧର୍ମ ବିରୋଧରେ ବିବୃତ୍ତି ଦେବା ଦିନଠାରୁ ସେ ଭାଜପା ସମେତ ସମସ୍ତ ହିନ୍ଦୁ ଧାର୍ମିକ ନେତାଙ୍କ ଟାର୍ଗେଟରେ ରହିଆସିଛନ୍ତି। ଦେଶର ବିଭିନ୍ନ ଅଞ୍ଚଳରେ ତାଙ୍କ ବିରୋଧରେ ପ୍ରଦର୍ଶନ ପ୍ରଦର୍ଶନ କରାଯାଉଛି। କିନ୍ତୁ ଏତେ ବିବାଦ ପରେ ମଧ୍ୟ ଉଦୟନିଧି ପୁଣି ସନାତନ ଧର୍ମକୁ ନେଇ ବିବାଦୀୟ ମନ୍ତବ୍ୟ ଦେଇଛନ୍ତି। ସେ କେବଳ ହିନ୍ଦୁ ଧର୍ମ ବିଷୟରେ ନୁହେଁ ବରଂ ଯେଉଁମାନେ ଏହାକୁ ପାଳନ କରନ୍ତି ସେମାନଙ୍କ ବିଷୟରେ ମଧ୍ୟ କହିଥିଲେ।
ଉଦୟନିଧି ଷ୍ଟାଲିନ କହିଛନ୍ତି ଯେ, ମୁଁ ସେଦିନ ଯାହା କହିଥିଲି, ମୁଁ ସମାନ କଥାକୁ ବାରମ୍ବାର ପୁନରାବୃତ୍ତି କରିବି। ମୁଁ କେବଳ ହିନ୍ଦୁ ଧର୍ମ ନୁହେଁ ସମସ୍ତ ଧର୍ମକୁ ଅନ୍ତର୍ଭୁକ୍ତ କରିଥିଲି। ମୁଁ ଜାତିଗତ ପାର୍ଥକ୍ୟକୁ ନିନ୍ଦା କରିଥିଲି। ସନାତନ ଧର୍ମ ମହିଳାମାନଙ୍କୁ କ୍ରୀତଦାସ କରିଥିଲା। ସେଠାରେ ସତୀ ପ୍ରଥା ଥିଲା ଯେଉଁଥିରେ ବିଧବାମାନେ ନିଜ ସ୍ବାମୀଙ୍କ ଅନ୍ତିମ ସଂସ୍କାର ବେଳେ ଜୁଇକୁ ଡେଇଁ ଆତ୍ମହତ୍ୟା କରୁଥିଲେ। ତେଣୁ ମୁଁ ଏହାକୁ ଶେଷ କରିବାକୁ ଜିଦ ଧରିଛି। ମୁଁ ସେପରି କହିବି। ଏହି ପ୍ରସଙ୍ଗରେ ତାଙ୍କ ଜୀବନ ପ୍ରତି କୌଣସି ବିପଦ ଆସିବାକୁ ସେ ଭୟ ମନେ କରନ୍ତି ନାହିଁ ବୋଲି ସ୍ପଷ୍ଟ କରିଛନ୍ତି।
