ଓ୍ବାଶିଂଟନ୍,୮।୧୧: କୌଣସି ଦୂର ବାଟକୁ ଯିବା ପାଇଁ ଆପଣ ଉବର, ଓଲା ପରି ରିଜର୍ଭ ଗାଡି ବୁକିଂ କରୁଥିବେ। ବେଳେବେଳେ ଦେଖାଯାଏ କି, ବେଶୀ ଦୂର ବାଟ ହେଲେ କି କୌଣସି ଅସୁବିଧା ଯୋଗୁ ଏହି ଗାଡିର ଡ୍ରାଇଭର ବୁକିଂ କ୍ୟାନସଲ କରିଦେଇଥା’ନ୍ତି। ଯାହାଯୋଗୁ ପୁଣି ବୁକିଂ ବେଳେ ଆପଣଙ୍କୁ ବେଳେବେଳେ ଫାଇନ୍ ବି ଭରିବାକୁ ପଡିଥାଏ।
କିନ୍ତୁ ଉବରର ଜଣେ ଡ୍ରାଇଭର ରାଇଡ କ୍ୟାନସଲ କରି ଲକ୍ଷଲକ୍ଷ ଟଙ୍କା ରୋଜଗାର କରିଛନ୍ତି। ଶୁଣି ଆଶ୍ଚର୍ଯ୍ୟ ଲାଗୁଛି ନା? ୭୦ବର୍ଷିୟ ଆମେରିକୀୟ ଉବର ଡ୍ରାଇଭର ଅନେକ ରାଇଡ କ୍ୟାନସଲ କରି ଓ ୧୦ପ୍ରତିଶତରୁ ଅଧିକ ରାଇଡ କନର୍ଫମ କରି ବର୍ଷକୁ ୨୮ହଜାର ଡଲାର(୨୩ଲକ୍ଷରୁ ଅଧିକ) ଟଙ୍କା ରୋଜଗାର କରିଛନ୍ତି।
ଏ ସମ୍ପର୍କରେ ଡ୍ରାଇଭର ଜଣକ କହିଛନ୍ତି ଯେ, ସେ କମ୍ପାନୀ ପଲିସିର ଫାଇଦା ଉଠାଇଛନ୍ତି। ଦକ୍ଷିଣ କେରୋଲିନରେ ରହୁଥିବା ବିଲ ନାମକ ଡ୍ରାଇଭର ଏପରି ମାଲମାଲ ହୋଇଛନ୍ତି। ୨୦୨୨ରେ ସେ ୩୦ପ୍ରତିଶତ ରାଇଡ କ୍ୟାନସଲ ଓ ୧୦ପ୍ରତିଶତରୁ କମ୍ ରାଇଡ ରିକ୍ୟେଷ୍ଟ ଗ୍ରହଣ କରିଛନ୍ତି। ବର୍ଷକୁ ସେ ମୋଟ ୧୫୦୦ଯାତ୍ରା କରିଛନ୍ତି। ତେବେ ଉବର ବ୍ୟତୀତ ଅଧିକ ଯଙ୍କା ରୋଜଗାର ପାଇଁ ସେ ରାଇଡ ହେଲିଂ ପ୍ଲାଟଫର୍ମରେ ପାର୍ଟ ଟାଇମ୍ କାମ କରିବା ଆରମ୍ଭ କଲେ। ଯେତେବେଳେ ଯାଏଁ ସର୍ଜ ପ୍ରାଇସଂରେ କୌଣସି ବୃଦ୍ଧି ଦେଖା ନ ଯାଏ ବିଲ କୌଣସି ରାଇଡ କନଫର୍ମ କରନ୍ତି ନାହିଁ। ତେବେ ତାଙ୍କ କୌଶଳନୁସାରେ ଶୁକ୍ରବାର, ଶନିବାର ରାତି ୧୦ଟାରୁ ସାଢେ ୨ପର୍ଯ୍ୟନ୍ତ ଏୟାରପୋର୍ଟ ଓ ବାର୍ ପରି ସ୍ଥାନରେ ଆଡ୍ଡା ଜମାଇ ବସିଥା’ନ୍ତି। ପ୍ଲେନ ଲ୍ୟାଣ୍ଡିଂ ସମୟରେ ପାସେଞ୍ଜର ଗାଡି ବୁକିଂ କରିଥାନ୍ତି। ଏହି ସମୟରେ ସର୍ଜ ପ୍ରାଇସଂରେ ବୃଦ୍ଧି ଦେଖିବାକୁ ମିଳିଥାଏ।
ବିଲ୍ କହିଛନ୍ତି, ଏହି ସମୟରେ ୨୦ମିନିଟ୍ର ରାଇଡ ୧୦ଡଲାରରୁ ବଢି ୫୦ଡଲାର ପର୍ଯ୍ୟନ୍ତ ବୃଦ୍ଧି ପାଇଥାଏ।
