ଲସ୍ଏଞ୍ଜେଲସ୍ ୩୧ା୧୦ (ଏପି): ବକ୍ସିଂ ରିଙ୍ଗ୍କୁ ଫେରିବେ ମାଇକ୍ ଟାଇସନ ଓ ରୟ ଜୋନ୍ସ ଜୁନିୟର। ଦୁଇ ବକ୍ସରଙ୍କ ମଧ୍ୟରେ ଏହା ଏକ ପ୍ରଦର୍ଶନୀ ମୁକାବିଲା ହେବ। ଏଥିରେ ବକ୍ସିଂର ଉଚ୍ଚକୋଟୀର କୌଶଳ ଦେଖିବାକୁ ମିଳିବ। ଏହା ପ୍ରଦର୍ଶନୀ ବାଉଟ୍ ନୁହେଁ, ସେମାନେ ଏହାକୁ ଗମ୍ଭୀରତାର ସହ ନେଉଥିବା ୫୦ରୁ ଊର୍ଦ୍ଧ୍ୱ ବୟସର ବକ୍ସର ଦ୍ୱୟ କହିଛନ୍ତି। ନଭେମ୍ବର ୨୮ରେ ଲସ୍ଏଞ୍ଜେଲସ୍ର ଷ୍ଟାପଲ୍ସ ସେଣ୍ଟରଠାରେ ଏହି ଲଢେଇର ଆୟୋଜନ କରାଯାଇଛି। ୫୪ ବର୍ଷୀୟ ଟାଇସନ ଏବଂ ୫୧ ବର୍ଷୀୟ ଜୋନ୍ସଙ୍କ ମଧ୍ୟରେ ୮ ରାଉଣ୍ଡ ବିଶିଷ୍ଟ ଇଭେଣ୍ଟ ଅନୁଷ୍ଠିତ ହେବ। କାଲିଫର୍ନିଆର ଆଥଲେଟିକ୍ କମିଶନଠାରୁ ଏଥିପାଇଁ ଅନୁମତି ନିଆଯାଇଛି। ୨୦୦୫ ଜୁନ୍ରେ ଟାଇସନଙ୍କ ଶେଷ ଅଫିସିଆଲ ବାଉଟ୍ ଥିଲା। ପୂର୍ବତନ ନିର୍ବିବାଦୀୟ ହେଭିଓ୍ବେଟ୍ ଚାମ୍ପିୟନ ୧୯୯୬ରୁ ଏକ ଟାଇଟଲ ଧରି ରଖିପାରି ନାହାନ୍ତି। ଅନ୍ୟପକ୍ଷରେ ଜୋନ୍ସଙ୍କୁ ୪୦ ବର୍ଷ ହେବା ପରେ ସେ ବହୁ ଦିନ ଧରି ସୁପର ମିଡଲଓ୍ବେଟ୍ ଏବଂ ଲାଇଟ୍ ହେଭିଓ୍ବେଟ୍ ଟାଇଟଲ ବଜାୟ ରଖିଥିଲେ। ନିକଟ ଅତୀତରେ ସେ ୨୦୧୮ ଫେବୃୟାରୀରେ ଲଢେଇ କରିଥିଲେ।
