ଶ୍ରୀନଗର,୧୫।୭: ଜମ୍ମୁ-କଶ୍ମୀରର ପୁଞ୍ଛ ଜିଲାରେ ଏକ ଅଭାବନୀୟ ଘଟଣା ଘଟିଛି। ପୁଞ୍ଛ ଜିଲାର ସୁରାନକୋଟର ଆର୍ମି କ୍ୟାମ୍ପ ଭିତରେ ଗୁଳି ଫୁଟିଛି। ଏହି ଘଟଣାରେ ୨ଜଣ ଯବାନଙ୍କ ମୃତ୍ୟୁ ହୋଇଛି। ସୂଚନାଯୋଗ୍ୟ, ଶୁକ୍ରବାର ସକାଳ ୫ଟା ୩୦ରେ ପୁଞ୍ଛର ସୁରାନକୋଟରେ ଅବସ୍ଥିତ ୧୫୬ ଟେରିଟୋରିଆଲ ଆର୍ମି ବାଟାଲିୟନରେ ଏହି ଘଟଣା ଘଟିଛି। କାଲାକୋଟ ନିବାସୀ ଇମ୍ରାନ ଅହମ୍ମଦ ଏବଂ ମେଣ୍ଢରର ଇମତିଆଜ ଅହମ୍ମଦଙ୍କ ଭିତରେ କୌଣସି ବ୍ୟକ୍ତିଗତ ପ୍ରସଙ୍ଗକୁ ନେଇ ଯୁକ୍ତିତର୍କ ହୋଇଥିଲା। ଏହି ଯୁକ୍ତିତର୍କ ଏତେ ବଢ଼ିଯାଇଥିଲା ଯେ, ଜଣେ ଯବାନ ଆଉ ୩ଜଣଙ୍କ ଉପରେ ଗୁଳି ଚଳାଇଥିଲେ ଏବଂ ପରେ ନିଜ ବନ୍ଧୁକରେ ହିଁ ନିଜ ପେଟକୁ ଗୁଳି କରିଥିଲେ। ଏହି ସମୟରେ ଅନ୍ୟ ଯବାନଙ୍କୁ ମଧ୍ୟ ଗୁଳି ଲାଗିଛି। ଆହତମାନଙ୍କୁ ଉଦ୍ଧମପୁରର ମିଲିଟାରୀ ହସ୍ପିଟାଲରେ ଭର୍ତ୍ତି କରାଯାଇଛି। ଚିକିତ୍ସାଧିନ ଅବସ୍ଥାରେ ଏପର୍ଯ୍ୟନ୍ତ ୨ଯବାନଙ୍କ ମୃତ୍ୟୁ ହୋଇଥିବା ବେଳେ ଅନ୍ୟମାନଙ୍କ ଚିକିତ୍ସା ଜାରି ରହିଛି।
