ବଲାଙ୍ଗୀର,୨୫।୨(ସୁନିଲ କୁମାର ମହାନ୍ତି): ବିଳମ୍ବିତ ସନ୍ଧ୍ୟାରେ ବଲାଙ୍ଗୀରରେ ସଡ଼କ ଦୁର୍ଘଟଣା । ବୁଧବାର ସନ୍ଧ୍ୟାରେ ବଲାଙ୍ଗୀର ଭିଆଇପି ରାସ୍ତା ଭାବେ ପରିଚିତ ଭାଗିରଥି ଛକ- ସର୍କିଟ ହାଉସ ରାସ୍ତାରେ ଦୁଇ ମଟର ସାଇକେଲ ଦୁର୍ଘଟଣା ହୋଇଛି । ଏଥିରେ ଦୁଇ ବାଇକ୍ ଆରୋହୀ ଆହତ ହୋଇଛନ୍ତି ।
ସୂଚନା ଅନୁସାରେ, ଦୁଇ ବାଇକ ଅତ୍ୟନ୍ତ କ୍ଷୀପ୍ର ଗତିରେ ପରସ୍ପରକୁ ଓଭରଟେକ କରୁଥିବାବେଳେ ରାସ୍ତାରେ ପରସ୍ପର ମଧ୍ୟରେ ପିଟି ହୋଇଥିବା ଜଣାପଡିଛି । ଦୁର୍ଘଟଣା ସ୍ଥଳରେ ବଲାଙ୍ଗୀର ଟାଉନ୍ ଥାନା ପୋଲିସ ପହଞ୍ଚି ଆହତଙ୍କୁ ଭୀମଭୋଇ ମେଡ଼ିକାଲ କଲେଜ ଓ ହସପିଟାଲକୁ ନେଇଥିଲେ । ଦୁଇ ବାଇକ୍ ଆପାଚି ଓ ପଲସର୍ ମଟର ସାଇକେଲକୁ ପୋଲିସ ଜବତ କରି ଥାନାକୁ ନେଇଥିବା ଜଣାପଡିଛି । ଭିଆଇପି ରାସ୍ତାରେ ସ୍ପିଡ୍ ବାଇକର ଓ ନିଶାଖୋର ଅମାନିଆ ଗାଡ଼ି ଚାଳକମାନେ ରାସ୍ତାରେ ବାରମ୍ବାର ଦୁର୍ଘଟଣା ଘଟାଉଥିବାରୁ ଅଭିଭାବକ ଓ ସାଧାରଣ ଲୋକମାନେ ପ୍ରଶାସନ ଓ ପୋଲିସ ପକ୍ଷରୁ କଡା କାର୍ଯ୍ୟାନୁଷ୍ଠାନ ନେବାକୁ ଦାବୀ କରିଛନ୍ତି ।
