ଓ୍ବାଶିଂଟନ,୭।୧ : ଯାଆଁଳା ଭଉଣୀ କିନ୍ତୁ ବିଭିନ୍ନ ଦିନ ଏବଂ ବର୍ଷରେ ଜନ୍ମଦିନ, ଶୁଣିବା ଏକ ଆଶ୍ଚର୍ଯ୍ୟଜନକ ବିଷୟ ହୋଇପାରେ କିନ୍ତୁ ଏହା ସତ୍ୟ। ବାସ୍ତବରେ, ଆମେରିକାର ଟେକ୍ସାସରେ କାଳୀ ଜୋ ଫ୍ଲାଭଲେନ ନାମକ ଜଣେ ମହିଳା ୩୧ ଡିସେମ୍ବର ୨୦୨୨ ଦିନ ରାତି ୧୧ଟା ୫୫ ରେ ତାଙ୍କର ପ୍ରଥମ କନ୍ୟା ସନ୍ତାନ ଆନି ଜୋଙ୍କୁ ଜନ୍ମ ଦେଇଥିଲେ ଏବଂ ପରେ ୧ ଜାନୁଆରୀ ୨୦୨୩ ମଧ୍ୟରାତ୍ର ୧୨ ଟା ୧ରେ ଦ୍ୱିତୀୟ ଝିଅ ଇଫି ରୋଜଙ୍କୁ ଜନ୍ମ ଦେଇଥିଲେ। ତେବେ ପିଲାମାନେ ଗୋଟିଏ ବର୍ଷରେ ଜନ୍ମ ହେବେ ବୋଲି ଦମ୍ପତି ଭାବିଥିଲେ।
ମହିଳା ଜଣକ ଏହି ଖୁସି ଖବର ସହିତ ଫଟୋ ସୋସିଆଲ ମିଡ଼ିଆରେ ଶେୟାର କରିଛନ୍ତି। ଟେକ୍ସାସ ହସ୍ପିଟାଲର ଡାକ୍ତରଙ୍କ କହିବାନୁସାରେ, ଏହା ଏକ ଅନନ୍ୟ ଘଟଣା। ପ୍ରାୟ ୨୦ ଲକ୍ଷ ଯାଆଁଳା ଶିଶୁଙ୍କ କ୍ଷେତ୍ରରେ ଏଭଳି ପରିସ୍ଥିତି ଦେଖାଯାଇଥାଏ। ଗତ ବର୍ଷ କାଲିଫର୍ନିଆରେ ମଧ୍ୟ ସମାନ ମାମଲା ସାମ୍ନାକୁ ଆସିଥିଲା। ଫାତିମା ମାଡ୍ରିଗାଲ ୧୫ ମିନିଟର ବ୍ୟବଧାନରେ ଦୁଇଟି ଶିଶୁ ପୁତ୍ରଙ୍କୁ ଜନ୍ମ ଦେଇଥିଲେ। ଜଣଙ୍କର ନାମ ଆଲିନ ଯିଏ ୩୧ ଡିସେମ୍ବର ୨୦୨୧ ରେ ଜନ୍ମ ହୋଇଥିବା ବେଳେ ଅନ୍ୟଜଣଙ୍କ ଚାଉକର ଯିଏ ୧ ଜାନୁୟାରୀ ୨୦୨୩ ରେ ଜନ୍ମ ହୋଇଥିଲେ।
