ଦମିଷ୍କ,୨୦ ।୧୧: ସିରିଆର କୋବାନେ ସହର ସମେତ ଉତ୍ତର ସିରିଆର ଅଧିକାଂଶ ସହରକୁ ଟାର୍ଗେଟ କରିଛି ତୁର୍କି । ଶନିବର ବିଳମ୍ବିତ ରାତିରେ ତୁର୍କି ପକ୍ଷରୁ ସିରିଆର କିଛି ସହରରେ ବିମାନ ଆକ୍ରମଣ କରାଯାଇଥିବା ସୂଚନା ମିଳିଛି । ଏହି ସୂଚନା ସେଠାରେ ଉପସ୍ଥିତ ଥିବା କୁର୍ଦ୍ଦ ନେତୃତ୍ୱାଧିନ ସେନା ଓ ବ୍ରିଟେନରେ ଅବସ୍ଥିତ ଏକ ମନିଟରିଂ ଗୋଷ୍ଠୀ ଦ୍ୱାରା ପ୍ରଦାନ କରାଯାଇଛି । ସିରିଆନ୍ ଆଡଭାଇଜରି ଫର ହ୍ୟୁମାନ ରାଇଟସ୍ କହିଛି ଆକ୍ରମଣରେ କୁର୍ଦ୍ଦ ନେତୃତ୍ୱାଧିନ ସିରିଆନ୍ ଡେମୋକ୍ରାଟିକ ଫୋର୍ସେସ(ଏସଡିଏଫ)ର ଅତିକମରେ ୬ ଜଣ ସଦସ୍ୟ ଓ ସରକାର ସମର୍ଥିତ ୬ ସେନାଙ୍କ ମୃତ୍ୟୁ ହୋଇଛି । ଏହାସହ ଅଧିକାଂଶ ଆହତ ହୋଇଛନ୍ତି ।
ସିରିଆ ସ୍ଥିତ କୁର୍ଦ୍ଦ ନେତୃତ୍ୱାଧିନ ସେନା କହିଛି ଏହି ଆକ୍ରମଣରେ ଦୁଇଟି ଗାଁ ପ୍ରଭାବିତ ହୋଇଛି । ଏଠାରେ ଇଣ୍ଟରନାଲି ଡିସପ୍ଲେସଡ ପିପୁଲ ରହିଥାଆନ୍ତି । ଏଥିରେ କୋବାନେ ନିକଟରେ ପୂର୍ବ ଗ୍ରାମୀଣ ଅଞ୍ଚଳ ବି ସାମିଲ ଅଛି, ଯାହାକୁ ଏନ ଅଲ-ଅରବ ବି କୁହାଯାଇଥାଏ ।
