ତୁମୁଡିବନ୍ଧ,୫ା୧୨(ଦୀପକ କୁମାର ପରାସେଠ): କନ୍ଧମାଳ ଜିଲାରେ ନୀଳ ଜହର ଅପରେଶନ ଜୋରଦାର ଜାରି ରହିଥିବାବେଳେ ବେଆଇନ ଭାବେ କରାଯାଇଥିବା ୮ ଏକର ପରିମିତ ଜାଗାର ପ୍ରାୟ ୭ କୋଟି ଟଙ୍କାର ଗଞ୍ଜେଇ ଗଛ ତୁମୁଡିବନ୍ଧ ପୋଲିସ ନଷ୍ଟ କରିଛି । ଅନ୍ୟପଟେ ପ୍ରତିବର୍ଷ ପୋଲିସ ଯେତେ ପରିମାଣରେ ଗଞ୍ଜେଇ ଚାଷକୁ ନଷ୍ଟ କରୁଛି, ସେତିକି ପରିମାଣରେ ମାଫିଆ ମାନେ ଘଞ୍ଚ ଜଙ୍ଗଲ ଭିତରେ ବେଆଇନ ଚାଷ କରୁଥିବା ଦେଖିବାକୁ ମିଳୁଛି। ଏହା ପୋଲିସ ପାଇଁ ବଡ଼ ଚାଲେଞ୍ଜ ହୋଇଥିଲେ ମଧ୍ୟ ନୀଳ ଜହର ଅପରେସନକୁ ସଫଳ କରିବାକୁ ଜିଲା ପୋଲିସ ଏବେ ଉଦ୍ୟମ ଚଳାଇଛି। ଶୁକ୍ରବାର ତୁମୁଡିବନ୍ଧ ଥାନା ଅନ୍ତର୍ଗତ ସେସର ଗାଁ ନିକଟ ଜଙ୍ଗଲରେ ତୁମୁଡିବନ୍ଧ ପୋଲିସ ଦ୍ୱାରା ଜଙ୍ଗଲରେ ଗଞ୍ଜେଇ ଗଛ ଲାଗିଥିବା ଖବର ପାଇ ତୁମୁଡିବନ୍ଧ ଥାନାଧିକାରୀ ଆଶୁତୋଷ ଜେନାଙ୍କ ନେତୃତ୍ୱରେ ୨ ପ୍ଲାଟୁନ ଏସଏସବିଏନ ଫୋର୍ସ, ଜିଲା କାର୍ଯ୍ୟାଳୟ ରୁ ୮୦ଜଣ ପୋଲିସ ଏବଂ ଗୃହରଖି, ୧୫ଟି ଗଛ କଟା କଟର ଏବଂ ତୁମୁଡିବନ୍ଧ ଥାନାରୁ ଏକାଧିକ ପୋଲିସ ପହଞ୍ଚି ସମସ୍ତ ଗଞ୍ଜେଇ ଗଛକୁ କାଟି ପେଟ୍ରୋଲ ଢାଳି ନିଆଁ ଲଗାଇ ନଷ୍ଟ କରିଦେଇଥିବା ଦେଖିବାକୁ ମିଳିଛି। ସୂଚନାନୁଯାୟୀ ଏହି ଗଞ୍ଜେଇ ଗଛ ୭ କୋଟି ରୁ ୮କୋଟି ଟଙ୍କାର ହେବ ବୋଲି ତୁମୁଡିବନ୍ଧ ଥାନାଧିକାରୀ ବାବାସାଙ୍କର ସରଫ ସୂଚନା ଦେଇଛନ୍ତି।
Dharitri – Odisha’s No.1 Odia Daily
