ବଲାଙ୍ଗିର,୮। ୧୦ (ସୁନିଲ କୁମାର ମହାନ୍ତି) ବଲାଙ୍ଗିର ସହର ତୁଳସୀ ନଗର ଠାରେ ଧୁମ୍ ଧାମରେ ଆରମ୍ଭ ହୋଇଛି ମା ଲକ୍ଷ୍ମୀଙ୍କ ପୂଜା। ଚଳିତ ବର୍ଷ ୨୬ ବର୍ଷରେ ପଦାର୍ପଣ କରିଛି ତୁଳସିନଗରର ଗଜଲକ୍ଷ୍ମୀ ପୂଜା। ରବିବାର ଜଳସ ଶୋଭା ଯାତ୍ରା ଅନୁଷ୍ଠିତ ହୋଇଯାଇଛି l ସୋମବାର ଯଥାରୀତି ପୂଜା ଆରମ୍ଭ ହୋଇ ଚକ୍ଷୁଦାନ ଓ ଜୀବନ୍ୟାସ ପରେ ମା’ ଧନଦାତ୍ରୀ ପୂଜା ପାଉଛନ୍ତି ପୂଜା ମଣ୍ଡପରେ । ପୂଜାରେ ପୂଜକ ଭାବେ ପଦ୍ମନାଭ ମିଶ୍ର , କର୍ତ୍ତା ଭାବରେ ସତ୍ୟ ନାରାୟଣ ମହାନ୍ତି ଓ ଧର୍ମପତ୍ନୀ ରଶ୍ମିତା ମହାନ୍ତି ଦାୟିତ୍ୱ ନିର୍ବାହ କରୁଛନ୍ତି। ପ୍ରତିଦିନ ସଂନ୍ଧ୍ୟାରେ ମାଙ୍କ ଠାରେ ଆଳତୀ ଦିଆଯାଉଛି। ସନ୍ଧ୍ୟା ଆଳତୀ ସମୟରେ ଶ୍ରାଦ୍ଧକୁଙ୍କ ଭିଡ଼ ଜମୁଛି l ଆକର୍ଷଣୀୟ ସାଜସଜ୍ଜା , ତ୍ଵରଣ ସହ ରଙ୍ଗୀନ ଆଲୋକ ମାଳାରେ ସମ୍ପୂର୍ଣ ସଜେଇ ହୋଇଛି ତୁଳସୀ ନଗର ପଡା l ବିଭିନ୍ନ ଦିବସରେ ଶ୍ରାଦ୍ଧକୁଙ୍କ ପାଇଁ କମିଟି ପକ୍ଷରୁ ଅନ୍ନ ପ୍ରସାଦ ପ୍ରଦାନ କରାଯାଉଥିବା ତୁଳସୀ ନଗର ଗଜଲକ୍ଷ୍ମୀ ପୂଜା କମିଟି ପକ୍ଷରୁ କୁହାଯାଇଛି l
