ସମ୍ବଲପୁର,୨୧ା୧୦(ବ୍ୟୁରୋ)-ଜମି ବିବାଦକୁ କେନ୍ଦ୍ର କରି ସମ୍ବଲପୁର ଜିଲା ମହୁଲପାଲି ଥାନା ଲପଡା ଗ୍ରାମରେ ବୁଧବାର ଟ୍ରିପଲ ମର୍ଡର ଘଟିଛି। ୩ ଜଣଙ୍କୁ ଟାଙ୍ଗିଆରେ ହାଣି ହତ୍ୟା କରାଯାଇଛି। ଫଳରେ ଗୋଟିଏ ପରିବାର ମୂଳପୋଛ ହୋଇଯାଇଛି। ମୃତକ ହେଲେ ପୀରବତୀ ବେହେରା (୫୫), ତାଙ୍କ ଝିଅ ସାବିତ୍ରୀ ସାହୁ (୩୦) ଓ ଜ୍ୱାଇଁ ଗିରିଧାରୀ ସାହୁ (୩୮) । ଧାନ ଜମିରେ ଗିରିଧାରୀଙ୍କୁ ହତ୍ୟା କରାଯାଇଥିବାବେଳେ ଗଁା ଦାଣ୍ଡରେ ପୀରବତୀ ଓ ନଳକୂଅ ନିକଟରେ ସାବିତ୍ରୀଙ୍କୁ ହତ୍ୟା କରାଯାଇଥିଲା। ବହୁ ସମୟ ଧରି ୩ ମୃତଦେହ ଗାଁରେ ପଡି ରହିଥିଲା। ଖବରପାଇ ମହୁଲପାଲି ଥାନା ଅଧିକାରୀ ଜ୍ୟୋତ୍ସ୍ନାରାଣୀ ବେହେରା ଓ କୁଚିଣ୍ଡା ଏସ୍ଡିପିଓ ରାଜକିଶୋର ମିଶ୍ର ସଦଳବଳେ ପହଞ୍ଚତ୍ ଅଭିଯୁକ୍ତ ନବୀନ ଦେହୁରୀ ଓ ତାଙ୍କ ପୁଅ ହେମାନନ୍ଦଙ୍କୁ ଗିରଫ କରିଛନ୍ତି। ବ୍ୟବହୃତ ଟାଙ୍ଗିଆକୁ ପୋଲିସ ଜବତ କରିଛି। ସାଇଣ୍ଟିଫିକ୍ ଟିମ୍ ତଦନ୍ତ ଆରମ୍ଭ କରିଛି। ଥାନାରେ ଏକ ମାମଲା(ନଂ.୧୭୫/୨୦) ରୁଜୁ ହୋଇଛି। ସମ୍ବଲପୁର ଏସ୍ପି କନଓ୍ବାର ବିଶାଲ ସିଂ ଘଟଣାସ୍ଥଳ ପରିଦର୍ଶନ କରିବା ପରେ ଏହି ଲୋମହର୍ଷଣକାରୀ ହତ୍ୟାକାଣ୍ଡକୁ ରେଡ୍ଫ୍ଲାଗ୍ ଅର୍ନ୍ତଭୁକ୍ତ କରିଛନ୍ତି। ଖୁବ୍ଶୀଘ୍ର ଅଭିଯୁକ୍ତମାନଙ୍କ ବିରୋଧରେ ଚାର୍ଜଶିଟ୍ ଦାଖଲ ହେବ ବୋଲି ସେ କହିଛନ୍ତି।
