ରାଞ୍ଚି, ୮ା୬: ଝାଡ଼ଖଣ୍ଡର ଗୋଡ଼ଡା ଜିଲାରେ ଜଣେ ୧୭ ବର୍ଷୀୟ ଆଦିବାସୀ ନାବାଳିକା ଶୌଚ ପାଇଁ ଯାଇଥିବା ବେଳେ ୧୦ ଜଣ ପୁରୁଷ ଦ୍ୱାରା ଗଣବଳାତ୍କାର ଶିକାରହୋଇଥିବା ଅଭିଯୋଗ ହୋଇଛି।
ଶୁକ୍ରବାର ସୁନ୍ଦର ପାହାଡ଼ୀ ଥାନା ଅଞ୍ଚଳରେ ଘଟିଥିବା ଏହି ଘଟଣା ସହ ଜଡ଼ିତ ୮ ଜଣ ଅଭିଯୁକ୍ତଙ୍କୁ ଏପର୍ଯ୍ୟନ୍ତ ଗିରଫ କରାଯାଇଛି, ବୋଲି ପୋଲିସ କହିଛି।
ଏହି ଘଟଣା ଘଟିଥିଲା ଯେତେବେଳେ ଝିଅଟି ଜଣେ ସମ୍ପର୍କୀୟଙ୍କ ଘରେ ବିବାହ ଉତ୍ସବରେ ଯୋଗ ଦେବାକୁ ଯାଇଥିଲା। ସେଠାରେ ସେ ଶୌଚ ପାଇଁ ଘରୁ ବାହାରକୁ ଯାଇଥିବା ବେଳେ ଜଣେ ଯୁବକ ତାଙ୍କୁ ଧରି, ତାଙ୍କ ମୁଖରେ କପଡ଼ା ବାନ୍ଧି ଏକ ନିର୍ଜନ ସ୍ଥାନକୁ ନେଇଥିଲା, ବୋଲି ତାଙ୍କ ବୟାନକୁ ଉଦ୍ଧୃତ କରି ପୋଲିସ କହିଛି।ତା’ପରେ ତାଙ୍କୁ ୧୦ ଜଣଙ୍କ ଦ୍ୱାରା ଗଣବଳାତ୍କାର କରାଯାଇଥିଲା, ବୋଲି ପୋଲିସ କହିଛି।
ନାବାଳିକାଙ୍କ ପରିବାର ଅଭିଯୋଗ କରିଛି ଯେ ଶନିବାର ଏହି ଘଟଣାକୁ ଗୋପନ ରଖିବା ପାଇଁ ସ୍ଥାନୀୟ ପଞ୍ଚାୟତର ଏକ ବୈଠକ ଅନୁଷ୍ଠିତ ହୋଇଥିଲା।
“ତେବେ ପୀଡ଼ିତାଙ୍କ ପରିବାର ରବିବାର ୧୦ ଜଣଙ୍କ ବିରୁଦ୍ଧରେ ଏଫଆଇଆର ଦାୟର କରିଛନ୍ତି। ୮ ଜଣଙ୍କୁ ଗିରଫ କରାଯାଇଛି। ବାକି ଦୁଇ ଅଭିଯୁକ୍ତଙ୍କୁ ଖୋଜା ଜାରି ରହିଛି,” ପୋଲିସ ଅଧୀକ୍ଷକ ମୁକେଶ କୁମାର କହିଛନ୍ତି। ପୀଡ଼ିତାଙ୍କୁ ଡାକ୍ତରୀ ପରୀକ୍ଷା ପାଇଁ ପଠାଯାଇଛି, ବୋଲି ସେ କହିଛନ୍ତି।
