ଶୀତରେ ଜ୍ୟାକେଟ୍ ପିନ୍ଧିବାର ସଉକ ଅନେକଙ୍କର ଥାଏ। ତେବେ ଜ୍ୟାକେଟ୍ ଭିତରେ ଲେଦର ଜ୍ୟାକେଟ୍ର କଥା ହିଁ ନିଆରା। ଏହା ଇନ୍ଷ୍ଟାଣ୍ଟ ଗ୍ଲାମର ଲୁକ୍ ଦେଇଥାଏ। ପାର୍ଟି ହେଉ ଅବା ଆଉଟିଂ ସବୁ କ୍ଷେତ୍ରରେ ପିନ୍ଧି ହେଉଥିବା ଏହି ଜ୍ୟାକେଟ୍ର ବିଭିନ୍ନ ପ୍ରକାର ଡିଜାଇନ୍ ରହିଛି, ଯାହା ଦେଖିବାକୁ ଖୁବ୍ ଟ୍ରେଣ୍ଡି ଲାଗିଥାଏ…
* ଷ୍ଟଡେଡ୍ ଅବ୍ଷ୍ଟ୍ରାକ୍ଟ ଲେଦର ଜ୍ୟାକେଟ୍: ଏହି ଜ୍ୟାକେଟ୍ର ବିଭିନ୍ନ ସ୍ଥାନରେ ଖୁବ୍ ସୁନ୍ଦର ସୁନ୍ଦର ଷ୍ଟଡ୍ ଖଚିତ ହୋଇଥାଏ। ଏହାକୁ ପିନ୍ଧିଲେ ଡିଫରେଣ୍ଟ ଲୁକ୍ ମିଳେ। ଅନ୍ୟ ରଙ୍ଗ ତୁଳନାରେ କଳାରଙ୍ଗର ଜ୍ୟାକେଟ୍ ଷ୍ଟାଇଲିଶ୍ ଲାଗିଥାଏ। ଆଉଟିଂ ହେଉ ଅବା ପାର୍ଟି ସବୁ କ୍ଷେତ୍ରରେ ଏହାକୁ ପିନ୍ଧି ହୁଏ।
* ଫ୍ରିଙ୍ଗଡ୍ ଲେଦର ଜ୍ୟାକେଟ୍: ଲୁକ୍କୁ ଆହୁରି ଗ୍ଲାମରସ୍ ଦେଖାଇବାକୁ ଚାହୁଁଥିବା ଯୁବତୀଙ୍କ ପାଇଁ ଏହି ଜ୍ୟାକେଟ୍ ପର୍ଫେକ୍ଟ। ଖାସ୍ କରି ଯେଉଁ ଜ୍ୟାକେଟ୍ର ହାତ ତଥା ପକେଟ୍ କିମ୍ବା ତଳଭାଗରେ ମେଞ୍ଚାଏ ସୂତା ଗୁଚ୍ଛ ପରି ଓହଳିକି ରହିଥାଏ, ତାହାକୁ ପିନ୍ଧିଲେ ହଟ୍ ଲୁକ୍ ମିଳେ। ଆପଣ ଚାହିଁଲେ ଯେଉଁ ଜ୍ୟାକେଟ୍ର କେବଳ ହେମ୍ଲାଇନ୍ରେ ଲଙ୍ଗ୍ ଫ୍ରିଙ୍ଗ୍ କାମ ହୋଇଥାଏ ତାକୁ ବି କ୍ୟାରି କରିପାରିବେ।
* ପ୍ରିଣ୍ଟେଡ୍ ଲେଦର ଜ୍ୟାକେଟ୍: ଟ୍ରେଣ୍ଡି ଲୁକ୍ ପାଇଁ ପ୍ଲେନ୍ ଜ୍ୟାକେଟ୍ ପରିବର୍ତ୍ତେ ଆପଣ ଚାହିଁଲେ ଅଲ୍ ଓଭର ପ୍ରିଣ୍ଟେଡ୍ କାମ ହୋଇଥିବା ଲେଦର ଜ୍ୟାକେଟ୍ ବି ଟ୍ରାଏ କରିପାରିବେ। ଖୁବ୍ ସୁନ୍ଦର ସୁନ୍ଦର ଡିଜାଇନ୍ର ଏହି ଜ୍ୟାକେଟ୍ ଏବେ ମାର୍କେଟରେ ମିଳୁଛି, ଯାହାର ବେଶ୍ ଡିମାଣ୍ଡ ରହିଛି।
* ସ୍ଲୋଗାନ ଲେଦର ଜ୍ୟାକେଟ୍: ସ୍ଲୋଗାନ ଟି-ଶାର୍ଟ ଏବଂ ଜିନ୍ସ ପରେ ସ୍ଲୋଗାନ ଲେଦର ଜ୍ୟାକେଟ୍ର ଏବେ ଖୁବ୍ ଚାହିଦା ରହିଛି। ସ୍ମାର୍ଟ କିମ୍ବା ଫନି ସ୍ଲୋଗାନ ଥିବା ଏହି ଜ୍ୟାକେଟ୍ ଟିକେ ଡିଫରେଣ୍ଟ ଲୁକ୍ ଦେଇଥାଏ। ଯୁବପିଢିଙ୍କ ପ୍ରିୟ ଏହି ଜ୍ୟାକେଟ୍ ସବୁ ରଙ୍ଗରେ ଲପଲବ୍ଧ।
* ଗୋଲ୍ଡେନ୍ ଏମ୍ବେଲିଶ୍ଡ ଲେଦର ଜ୍ୟାକେଟ୍: ପାର୍ଟିକୁ ଯିବାର ଥିଲେ ଡ୍ରେସ୍ ଉପରେ ଏହି ଟାଇପ୍ର ଜ୍ୟାକେଟ୍ ପିନ୍ଧନ୍ତୁ, ଆପଣ ଷ୍ଟାଇଲିଶ୍ ଲାଗିବେ। କାରଣ ଏହି ଜ୍ୟାକେଟ୍ ଉପରେ କାମ ହୋଇଥିବା ଗୋଲ୍ଡେନ୍ ରଙ୍ଗର ଖୁବ୍ ସୁନ୍ଦର ଷ୍ଟଡ୍ ଭିଡ଼ ଭିତରେ ବି ବେଶ୍ ଆକର୍ଷଣୀୟ ଲାଗିଥାଏ।
* ଏମ୍ବ୍ରୋଏଡରି ଲେଦର ଜ୍ୟାକେଟ୍: ଏବେ ଏମ୍ବ୍ରୋଏଡରି ଲେଦର ଜ୍ୟାକେଟ୍ର ବେଶ୍ ଟ୍ରେଣ୍ଡ ଚାଲିଛି। ଫ୍ଲୋରାଲ ଷ୍ଟାଇଲ୍ ହେଉ ଅବା ଅନ୍ୟ ଯେକୌଣସି ଆକର୍ଷଣୀୟ ଡିଜାଇନ୍ର ଏମ୍ବ୍ରୋଏଡରି କାମ ହୋଇଥିବା ଏହି ଜ୍ୟାକେଟ୍ ନୂଆ ଲୁକ୍ ଦେଇଥାଏ ଯୁବତୀଙ୍କୁ। ଖାସ୍ କରି ବେକ ହେଉ ଅବା ସାମ୍ନାପଟ ଅଥବା ହାତ ପାଖରେ ଏମ୍ବ୍ରୋଏଡରି କାମ ହୋଇଥିବା ଏହି ଜ୍ୟାକେଟ୍ ଖୁବ୍ ସୁନ୍ଦର ଦେଖାଯାଇଥାଏ।
