ଭୁବନେଶ୍ୱର,୨୩।୯(ସୂର୍ଯ୍ୟକାନ୍ତ ବେହେରା): ଭୁବନେଶ୍ୱର-କଟକ କମିଶନରେଟ ପୋଲିସ୍ରେ ଏସିପି ଓ ଇନ୍ସପେକ୍ଟର ସ୍ତରରେ ଶୁକ୍ରବାର ଅଦଳବଦଳ ହୋଇଛି। ଜଣେ ଏସିପି ଓ ୧୪ ଜଣ ଇନ୍ସପେକ୍ଟରଙ୍କୁ ବଦଳି କରାଯାଇଛି। ଏନେଇ କମିଶନରେଟ ପୋଲିସ ପକ୍ଷରୁ ଶୁକ୍ରବାର ବିଜ୍ଞପ୍ତି ପ୍ରକାଶ ପାଇଛି। ଖଣ୍ଡଗିରି ଥାନା ଅଧିକାରୀ ଦୟାନିଧି ନାୟକଙ୍କୁ କଟକ ଲାଲ୍ବାଗ୍ ଥାନା ଓ କମିଶନରେଟ୍ ପୋଲିସ ମୁଖ୍ୟାଳୟରେ କାର୍ଯ୍ୟରତ ମାନସ କୁମାର ସ୍ବାଇଁଙ୍କୁ ମଞ୍ଚେଶ୍ୱର ଥାନାକୁ ବଦଳି କରାଯାଇଛି। କମିଶନରେଟ ପୋଲିସ ମୁଖ୍ୟାଳୟରେ ଥିବା ଏସିପି ଅଶୋକ କୁମାର ଗିରିଙ୍କୁ ଭୁବନେଶ୍ୱର ଡିସିପି ଅଫିସ୍ର ଆଇସିଏଡବ୍ଲ୍ୟୁ ଏସିପି ଭାବେ ବଦଳି କରାଯାଇଛି। ସେହିପରି କମିଶନରେଟ ପୋଲିସ ମୁଖ୍ୟାଳୟରେ ଥିବା ଇନ୍ସପେକ୍ଟର ସତ୍ୟନାରାୟଣ ପ୍ରଧାନଙ୍କୁ ନୟାପଲ୍ଲୀ, ଅଞ୍ଜଳି ଛୋଟରାୟଙ୍କୁ ସିପି ମୁଖ୍ୟାଳୟ (ଭିକ୍ଟର କଣ୍ଟ୍ରୋଲ ରୁମ୍), ମୃତ୍ୟୁଞ୍ଜୟ ସ୍ବାଇଁଙ୍କୁ ମୈତ୍ରୀ ବିହାର ଥାନା, ପୂର୍ଣ୍ଣଚନ୍ଦ୍ର ପ୍ରଧାନଙ୍କୁ ଲିଙ୍ଗରାଜ ଥାନା, ଦିନକୃଷ୍ଣ ମିଶ୍ରଙ୍କୁ ଭରତପୁର ଥାନା, ଅଭିମନ୍ୟୁ ଦାସଙ୍କୁ ଖଣ୍ଡଗିରି ଥାନା ଓ ଓ ସୁବ୍ରତ କୁମାର ମେହେରଙ୍କୁ ତମାଣ୍ଡୋ ଥାନାକୁ ବଦଳି କରାଯାଇଛି। ଅନ୍ୟପକ୍ଷରେ ନୟାପଲ୍ଲୀ ଥାନା ଅଧିକାରୀ ବିଶ୍ୱରଞ୍ଜନ ସାହୁଙ୍କୁ ଚୌଦ୍ୱାର, ମୈତ୍ରୀବିହାର ଥାନା ଅଧିକାରିଣୀ ପ୍ରିୟଦର୍ଶୀ ନନ୍ଦଙ୍କୁ କଟକ ସିଡିଏ ଫେଜ-୨ ଥାନାକୁ ବଦଳି କରାଯାଇଛି। ସେହିପରି ମର୍କତନଗର ଥାନା ଦାୟିତ୍ୱରେ ଥିବା ଇନ୍ସପେକ୍ଟର ବିୟୁଟି ମହାନ୍ତିଙ୍କୁ ପାହାଳ ଥାନାକୁ ବଦଳି କରାଯାଇଥିବାବେଳେ ତାଙ୍କ ସ୍ଥାନରେ ତମାଣ୍ଡୋ ଥାନା ଅଧିକାରୀ ସୁଭ୍ରାନ୍ତ କୁମାର ଜେନାଙ୍କୁ ଦାୟିତ୍ୱ ଦିଆଯାଇଛି। ସେହିଭଳି ସିପି ମୁଖ୍ୟାଳୟରେ ଥିବା ଇନ୍ସପେକ୍ଟର(ଆର୍ମଡ) ସଞ୍ଜୟ କୁମାର ବାରିକଙ୍କୁ ଭୁବନେଶ୍ୱର ୟୁପିଡି ଆର୍.ଆଇ ଆର୍ବିଆଇକୁ ବଦଳି ହୋଇଛି।
