ଭଦ୍ରକ,୯। ୭(ସନାତନ ରାଉତ)- କେନ୍ଦ୍ର ସରକାରଙ୍କ ଶ୍ରମିକ ଓ କୃଷକ ବିରୋଧୀ ତଥା ରାଷ୍ଟ୍ର ବିରୋଧୀ ଏବଂ କର୍ପୋରେଟ୍ ସପକ୍ଷବାଦୀ ନୀତିକୁ ବିରୋଧ କରି ୧୦ଟି କେନ୍ଦ୍ରୀୟ ଟ୍ରେଡ୍ ୟୁନିୟନ ଓ ଏହାର ସହଯୋଗୀ ସଂଗଠନଗୁଡ଼ିକ ପକ୍ଷରୁ ବୁଧବାର ଭାରତ ବନ୍ଦ ପାଇଁ ଡାକରା ଦିଆଯାଇଛି। ଭଦ୍ରକ ସହର ବନ୍ତ ଛକ ଠାରେ ସକାଳ ୬ଟାରୁ ଶ୍ରମିକ ସଂଗଠନ କର୍ମକର୍ତ୍ତାମାନେ ଆନ୍ଦୋଳନ କରିବା ସହ ନାରାବାଜି କରିଛନ୍ତି l ଗାଡି ଚଳାଚଳ ବନ୍ଦ ରହିଥିବାରୁ ଯାତ୍ରୀମାନେ ନିଜର ଗନ୍ତବ୍ୟ ସ୍ଥଳକୁ ଯାଇ ନ ପାରି ଅସୁବିଧାରେ ସମ୍ମୁଖୀନ ହୋଇଛନ୍ତି l ୧୬ ନଂ ଜାତୀୟ ରାଜପଥରେ ଶହ ଶହ ସଂଖ୍ୟାରେ ଗାଡି ଅଟକି ରହିଛି l ଟାଉନ ପୋଲିସ ଆନ୍ଦୋଳନସ୍ଥଳରେ ମୁତୟନ ରହିଛି l ଟ୍ରେଡ଼ ୟୁନିୟନ ସମନ୍ବୟ ସମିତି ସଭାପତି ଦିବ୍ୟସିଂହ ନାୟକ, କ୍ଷେତମଜଦୂର ୟୁନିୟନ ଭଦ୍ରକ ଜିଲା ସଭାପତି ପ୍ରଫୁଲ୍ଲ ପାଢୀ, ଜିଲା ସମ୍ପାଦକ ଗିରିଧାରୀ ନାଥ, ଏଆଇସିସିଟିୟୁ ଜିଲା ସମ୍ପାଦକ ସମର ବଳ, ସିଆଇଟିୟୁ ଜିଲା ସମ୍ପାଦକ କାଳନ୍ଦୀ ପାତ୍ର, ଜିଲା ଉପସଭାପତି ରାଧାନାଥ ଦାସ , ଓଡିଶା କୃଷକସଭା ରାଜ୍ୟ ଯୁଗ୍ମ ସମ୍ପାଦକ ବିକାଶ ନାଥ, ଜିଲା ସଭାପତି ଚନ୍ଦ୍ରଶେଖର ନାୟକ, ଏଆଇଟିୟୁସି ଜିଲା ସମ୍ପାଦକ ରମେଶ ଜେନା, ଚାଷୀ ନେତା ଶୁଭେନ୍ଦ୍ର ପ୍ରତାପ ମହାନ୍ତି ପ୍ରମୁଖ ଧର୍ମଘଟରେ ସାମିଲ ହୋଇଛନ୍ତି l
