କଥାରେ ଅଛି ରଖେ ହରି, ମାରେ କିଏ। ଏହାର ଏକ ଜ୍ୱଳନ୍ତ ଉଦାହରଣ ଏବେ ସୋସିଆଲ ମିଡିଆରେ ଦେଖିବାକୁ ମିଳୁଛି। ବର୍ତ୍ତମାନ ଏମିତି ଏକ ଭିଡିଓ ଭାଇରାଲ ହେଉଛି ଯାହାକୁ ଦେଖିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଯାଉଛନ୍ତି। ଏକ ବ୍ୟସ୍ତବହୁଳ ରାସ୍ତାରେ ଜଣେ ଶିଶୁ ଚଳନ୍ତା କାରରୁ ଖସିପଡ଼ୁଛନ୍ତି। ଏହା ତାଙ୍କ ମା’ବାପାଙ୍କ ପାଇଁ ସବୁଠାରୁ ଆଶ୍ଚର୍ଯ୍ୟଜନକ ମୁହୂର୍ତ୍ତ ଥିଲା। କିନ୍ତୁ ଖୁସିର କଥା ହେଲା ଉକ୍ତ ଶିଶୁଟିକୁ ଆଦୌ ହେଲେ ଆଘାତ ଲାଗି ନାହିଁ। ଏବେ ଏହି ଭିଡିଓକୁ ଦେଖିବା ପରେ ଲୋକମାନେ ଭଗବାନଙ୍କୁ ଧନ୍ୟବାଦ ଜଣାଇବାରେ ଲାଗିପଡ଼ିଛନ୍ତି।
ହଠାତ୍ ଏକ ଚଳନ୍ତା କାରର ଗେଟ୍ ଖେଲିଯାଇଛି। ପରେ ଉକ୍ତ କାରରୁ ଶିଶୁଟି ରାସ୍ତାରେ ପଡ଼ିଯାଉଛନ୍ତି। ଏହାର କିଛି ସମୟ ପରେ ପିଲାଟି ସେଠାରୁ ଉଠି ମା’ବାପାଙ୍କ ନିକଟକୁ ଯାଉଥିବା ଭିଡିଓରେ ଦେଖିବାକୁ ମିଳୁଛି। ଏହି ଭିଡିଓଟିକୁ ‘ଦି ସନ’ ଦ୍ୱାରା ପୋଷ୍ଟ ହୋଇଥିବା ବେଳେ ଏହାକୁ ଟୁଇଟର ୟୁଜର ଶିରିନ ଖାନ୍ ଶେୟାର କରିଛନ୍ତି। ଏବେ ଏହି ଭିଡିଓଟି ଭାଇରାଲ ହେବାରେ ଲାଗିଛି।
