ନୂଆପଡ଼ା,୧୯ା୯ (ମକାରୁ ବେମାଲ): ନୂଆପଡ଼ା ସଦର ବ୍ଲକ ମୋଟା ନୂଆପଡ଼ା ପଞ୍ଚାୟତ କୁକୁଡ଼ାତାଲ ଗାଁ ମୁଶରଙ୍ଗୀ ସଂରକ୍ଷିତ ଜଙ୍ଗଲରେ ପୁଣି କଲରାପତରିଆ ବାଘ ଦେଖାଯାଇଛି। ଜଙ୍ଗଲର ଏକ ପଥର ଉପରେ ବାଘ ବସିଥିବା ନେଇ ସୋସିଆଲ ମିଡିଆରେ ଖବର ପ୍ରଚାରିତ ହେଲା ପରେ ଅଞ୍ଚଳରେ ଆତଙ୍କ ଦେଖାଦେଇଛି।
ଏହି ସଂରକ୍ଷିତ ଜଙ୍ଗଲରେ ଅନେକ ଗୁମ୍ଫା ରହିଥିବାରୁ ଅନେକ ସମୟରେ ବାଘ ଆସି ଏଠାରେ ଆଶ୍ରୟ ନିଅନ୍ତି। ପ୍ରକାଶଥାଉ କି ୨୦୧୯ ଅଗଷ୍ଟ ୮ରେ ଏହି ଜଙ୍ଗଲର ଏକ ପଥର ଉପରେ ୨ଟି କଲରାପତରିଆ ବାଘ ବସିଥିବା ଫଟୋ ଗ୍ରାମବାସୀ କ୍ୟାମେରାରେ କଏଦ କରିଥିଲେ। ପୁଣି ଗୁରୁବାର ସେହି ପଥର ଉପରେ ବାଘ ବସିଥିବା ଦେଖି ଗାଁ ଯୁବକମାନେ ମୋବାଇଲରେ ଫଟୋ ଉଠାଇଛନ୍ତି। ସୁନାବେଡ଼ା ଅଭୟାରଣ୍ୟକୁ ଲାଗି ମୁଶରଙ୍ଗୀ ଜଙ୍ଗଲ ରହିଥିବାରୁ ଶିକାର ଆଶାରେ ବାଘ ଚାଲିଆସୁଥିବା ଲୋକେ ଅନୁମାନ କରୁଛନ୍ତି ା
ଜଙ୍ଗଲ ଭିତରେ ରହିଥିବା ବାଘ କୌଣସି ଧନଜୀବନ କ୍ଷୟକ୍ଷତି କରି ନ ଥିବାବେଳେ ଗୋଟିଏ ପୋଷା କୁକୁରକୁ ମାରି ଖାଇଛି ବୋଲି ଗ୍ରାମବାସୀ ପ୍ରକାଶ କରିଛନ୍ତି ା ନୂଆପଡ଼ା ବନ ବିଭାଗ କର୍ମଚାରୀ ଏହି ଜଙ୍ଗଲରେ ପହଞ୍ଚି ବାଘର ଗତିବିଧି ଉପରେ ନଜର ରଖିଛନ୍ତି। ଏହାସହ ପାଖ ଗାଁକୁ ଯାଇ ଡାକବାଜି ଯନ୍ତ୍ର ସାହାଯ୍ୟରେ ଲୋକଙ୍କୁ ସଚେତନ କରାଯାଇଛି।
