ସଲମାନ ଖାନ ଏବଂ କ୍ୟାଟ୍ରିନା କୈଫଙ୍କ ଅଭିନୀତ ବହୁପ୍ରତୀକ୍ଷିତ ଫିଲ୍ମ ଟାଇଗର-୩ର ଟ୍ରେଲର ରିଲିଜ୍ ହୋଇଛି। ଟ୍ରେଲରରେ ସଲମାନଙ୍କ ଜବରଦସ୍ତ ଆକ୍ସନ ଦେଖିବାକୁ ମିଳିଛି। ଟ୍ରେଲରରେ ଜଣେ ମହିଳାଙ୍କ ବ୍ୟାକ୍ଗ୍ରାଉଣ୍ଡ ଭଏସ୍ରୁ ଆରମ୍ଭ ହୋଇଛି। ଯେଉଁଥିରେ କୁହାଯାଇଛି, ଦେଶର ଶାନ୍ତି ଏବଂ ଦେଶର ଶତ୍ରୁମାନଙ୍କ ମଧ୍ୟରେ କେତେ ଦୂରତା ଅଛି । ଏହା ପରେ ସଲମାନ ଖାନଙ୍କର ଏକ ଶକ୍ତିଶାଳୀ ଏଣ୍ଟ୍ରି ଅଛି। ମୋଟଉପରେ ଟାଇଗର ୩ର ୨ ମିନିଟ ୫୧ ସେକେଣ୍ଡର ଟ୍ରେଲର ଧମାକାଦାର ରହିଛି। ଆକ୍ସନ ପ୍ୟାକ ଟ୍ରେଲରକୁ ଦର୍ଶକ ବେଶ୍ ପସନ୍ଦ କରିଛନ୍ତି। ଏହା ସହିତ ପ୍ରଶଂସକମାନେ ଫିଲ୍ମ ରିଲିଜକୁ ଅପେକ୍ଷା କରିଛନ୍ତି।
ସେପ୍ଟେମ୍ବର ୨୭ରେ ‘ଟାଇଗର ୩’ର ଟିଜର ମୁକ୍ତିଲାଭ କରିଥିଲା। ଏଥିରେ ସଲମାନଙ୍କ ଶକ୍ତିଶାଳୀ ଲୁକ ପ୍ରଶଂସକଙ୍କୁ ବହୁତ ପ୍ରଭାବିତ କରିଥିଲା। ‘ଟାଇଗର-୩’ ଓ୍ବାଇଆର୍ଏଫ୍ ସ୍ପାଏ ୟୁନିଭର୍ସର ପଞ୍ଚମ ଚଳଚ୍ଚିତ୍ର। ଏଥିରେ କ୍ୟାଟ୍ରିନା କୈଫ ଏବଂ ଇମ୍ରାନ ହାଶମୀ ସଲମାନ ଖାନଙ୍କ ସହ ମୁଖ୍ୟ ଭୂମିକାରେ ନଜର ଆସିବେ। ଏହି ଫିଲ୍ମରେ ଇମ୍ରାନଙ୍କୁ ଏକ ନକାରାତ୍ମକ ଭୂମିକାରେ ଦେଖିବାକୁ ମିଳିବ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ମନୀଷ ଶର୍ମା। ଦିୱାଲୀ ପ୍ରେକ୍ଷାଳୟରେ ‘ଟାଇଗର-୩’ ଆସୁଛି। ଏହି ଚଳଚ୍ଚିତ୍ର ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ମୁକ୍ତିଲାଭ କରିବ।
