ରାଞ୍ଚି,୯।୧: ଜାନୁୟାରୀ ୨୨ରେ ଅଯୋଧ୍ୟାରେ ରାମ ମନ୍ଦିର ପ୍ରାଣ ପ୍ରତିଷ୍ଠା ହେବ। ଝାଡଖଣ୍ଡର ଜଣେ ୮୫ ବର୍ଷ ବୟସ୍କା ବୃଦ୍ଧା ତିନି ଦଶନ୍ଧି ଧରି ରଖିଥିବା ‘ମୌନ ବ୍ରତ’ ଭାଙ୍ଗିବେ। ୧୯୯୨ରେ ବାବ୍ରି ମସଜିଦ ଭାଙ୍ଗି ଦିଆଯାଇଥିଲା, ସେହି ଦିନ ସରସ୍ବତୀ ଦେବୀ ଶପଥ ନେଇଥିଲେ ଯେ ରାମ ମନ୍ଦିର ଉଦ୍ଘାଟନ ହେବା ପରେ ସେ ‘ମୌନ ବ୍ରତ’ ଭାଙ୍ଗିବେ। ଧନବାଦ ବାସିନ୍ଦା ସରସ୍ବତୀ ଦେବୀ ସୋମବାର ରାତିରେ ଟ୍ରେନ ଯୋଗେ ଉତ୍ତରପ୍ରଦେଶ ଯାଇଛନ୍ତି। ସେଠାରେ ଅଯୋଧ୍ୟା ରାମ ମନ୍ଦିରର ଉଦଘାଟନ ଦେଖିବେ।
ସରସ୍ବତୀ ଦେବୀ ଅଯୋଧ୍ୟାରେ ‘ମୌନି ମାତା’ ଭାବରେ ଜଣାଶୁଣା। ସେ ସାଙ୍କେତିକ ଭାଷା ମାଧ୍ୟମରେ ପରିବାର ସଦସ୍ୟଙ୍କ ସହ ଯୋଗାଯୋଗ କରନ୍ତି। ସେ ଲେଖା ମାଧ୍ୟମରେ ଲୋକଙ୍କ ସହ ମଧ୍ୟ କଥାବାର୍ତ୍ତା କରନ୍ତି। ସେ ‘ମୌନ ବ୍ରତ’ରୁ ବିରତି ନେଇଥିଲେ ଏବଂ ୨୦୨୦ ପର୍ଯ୍ୟନ୍ତ ପ୍ରତ୍ୟେକ ଦିନ ଅପରାହ୍ନରେ ଏକ ଘଣ୍ଟା କଥା ହେଉଥିଲେ। କିନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମନ୍ଦିରର ଭିତ୍ତିପ୍ରସ୍ତର ସ୍ଥାପନ କରିବା ଦିନଠାରୁ ସେ ଦିନସାରା ନିରବତା ଅବଲମ୍ବନ କରିଥିଲେ।
ସରସ୍ବତୀ ଦେବୀଙ୍କ ସାନପୁଅ ହରେରାମ ଅଗ୍ରୱାଲ କହିଛନ୍ତି, ଡିସେମ୍ବର ୬, ୧୯୯୨ରେ ଯେତେବେଳେ ବାବ୍ରି ମସଜିଦ ଭାଙ୍ଗି ଦିଆଗଲା, ସେତେବେଳେ ମୋ ମା’ ଅଯୋଧ୍ୟାରେ ରାମ ମନ୍ଦିର ନିର୍ମାଣ ପର୍ଯ୍ୟନ୍ତ ‘ମୌନ ବ୍ରତ’ କରିବାକୁ ଶପଥ ନେଇଥିଲେ। ମନ୍ଦିରରେ ସମର୍ପଣ ତାରିଖ ଘୋଷଣା ହେବା ଦିନଠାରୁ ସେ ବହୁତ ଖୁସି ଅଛନ୍ତି।
