ନୂଆଦିଲ୍ଲୀ,୧୮।୨: ଭାରତୀୟ ଜନତା ପାର୍ଟି (ଭାଜପା) ର ରବିବାର ଜାତୀୟ ସମ୍ମିଳନୀର ଦ୍ୱିତୀୟ ଦିନ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ସମ୍ମିଳନୀରେ ଉପସ୍ଥିତ ନେତାମାନଙ୍କୁ ସମ୍ବୋଧିତ କରିବାବେଳେ କଂଗ୍ରେସ ଏବଂ ବିରୋଧୀ ଦଳ ଉପରେ କଡ଼ା ଆକ୍ରମଣ କରିଥିଲେ।
ଏହି ଅବସରରେ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ଏଥର କେବଳ ଭାଜପା ୩୭୦ ରୁ ଅଧିକ ଆସନ ଜିତିବ। ଭାଜପା କର୍ମୀଙ୍କ ବିଶ୍ୱସ୍ତତା ଏବଂ ନିଷ୍ଠା ଯୋଗୁଁ ଆମେ ଜନସାଧାରଣଙ୍କଠାରୁ ଆଶୀର୍ବାଦ ମିଳୁଛି। ୨୦୨୪ ରେ ତୃତୀୟ ଥର ପାଇଁ ସରକାର ଗଠନ କରି ଆମେ ଜନସେବା ଏବଂ ଜାତୀୟ ସେବାର ଇତିହାସ ସୃଷ୍ଟି କରିବାକୁ ଯାଉଛୁ।
ଆଗାମୀ ୧୦୦ ଦିନ ଦିନ ରାତି ଏକ କରି ଦଳ ପାଇଁ କାର୍ଯ୍ୟ କରିବାକୁ କାର୍ୟ୍ୟକର୍ତ୍ତାମାନଙ୍କୁ ଆହ୍ୱାନ ଦେଇଛନ୍ତି। ଆଜି ହେଉଛି ୧୮ ଫେବୃଆରୀ ଏବଂ ଏହି ସମୟ ମଧ୍ୟରେ ୧୮ ବର୍ଷ ବୟସ ହୋଇଥିବା ଯୁବକମାନେ ଦେଶର ୧୮ ତମ ଲୋକସଭା ନିର୍ବାଚନ କରିବାକୁ ଯାଉଛନ୍ତି। ଆମ ସମସ୍ତଙ୍କୁ ଆଗାମୀ ୧୦୦ ଦିନ ପାଇଁ ଏକାଠି କାମ କରିବାକୁ ପଡିବ।ପ୍ରତ୍ୟେକ ନୂତନ ଭୋଟର, ପ୍ରତ୍ୟେକ ହିତାଧିକାରୀ, ପ୍ରତ୍ୟେକ ଶ୍ରେଣୀ, ସମାଜ, ଧର୍ମ, ପରମ୍ପରାକୁ ପହଞ୍ଚିବାକୁ ପଡ଼ିବ ବୋଲି ସେ କହିଛନ୍ତି।
